«دامۋ» قورى ارقىلى كاسىپكەرلەردى قولداۋعا ارنالعان مەملەكەتتىك باعدارلامالارعا، ونىڭ ىشىندە «بيزنەستىڭ جول كارتاسى-2025» پەن «قاراپايىم زاتتار ەكونوميكاسىنا» وزگەرىستەر ەنگىزىلدى.
مەملەكەت باسشىسىنىڭ توتەنشە جاعدايلار كەزىندەگى كاسىپكەرلەردى قولداۋ، «بجك-2025» مەملەكەتتىك باعدارلاماسى بويىنشا سۋبسيديا بولۋگە بايلانىستى وزگەرىستەر ماقۇلداندى. وسىلايشا، سالالىق شەكتەۋلەر الىنىپ تاستالدى (ساۋدا جوبالارىن جانە اينالىم قاراجاتىن تولىقتىرۋدى قوسپاعاندا)، قازاقستان رەسپۋبليكاسىنىڭ پك 24-بابىنىڭ 4-تارماعىندا كورسەتىلگەن قىزمەت تۇرلەرى بويىنشا جۇمىس ىستەيتىن جەكە كاسىپكەرلىك سۋبەكتىلەرى - قۇمار ويىندارى، لوتەرەيالار، ەسىرتكى بيزنەسىنە بايلانىستى ءىس-شارالار) قۇرالدار، پسيحوتروپتىق زاتتار مەن پرەكۋرسورلار، كۇزەت قىزمەتى جانە ت.ب. قوسپاعاندا).
بۇدان بولەك، كاسىپكەرلەر ءۇشىن 6 پايىزدىق ءبىرىڭعاي تاريف ەنگىزىلدى. اتالمىش باعدارلامانىڭ ءۇشىنشى باعىتى الىنىپ تاستالدى (كاسىپكەرلەردىڭ ۆاليۋتالىق تاۋەكەلدەرىن تومەندەتۋ).
سۋبسيديالاۋعا جاتاتىن نەسيەلەر سوماسى 5 جىلعا 7 ملرد تەڭگەگە دەيىن ءوستى. اينالىم كاپيتالىن تولىقتىرۋ ماقساتىندا باعدارلامانىڭ 1-باعىتى بويىنشا نەسيە سوماسى 360 ملن تەڭگەگە دەيىن، باعدارلامانىڭ 2ء-شى باعىتى بويىنشا 500 ملن تەڭگەگە دەيىن، 2ء-شى باعىتتاعى ساۋدا سالاسىنداعى جوبالار ءۇشىن - اينالىم قاراجاتىن تولىقتىرۋعا سۋبسيديالاناتىن قارىز سوماسى 100 ملن.تەڭگەنى قۇرادى.
«بجك-2025» باعدارلاماسى بويىنشا كەپىلدىك بەرۋدىڭ زاڭناماسى وزگەردى. ەندى كاسىپكەرلىككە بەت بۇرعان ازاماتتار باعدارلامانىڭ 1-باعىتى بويىنشا 180 ميلليون تەڭگەگە دەيىن نەسيە، 2ء-شى باعىت بويىنشا 360 ميلليون تەڭگەگە دەيىنگى نەسيەنى كەپىلدەندىرىپ الا الادى. بۇل رەتتە نەسيە سوماسىنىڭ 85% كەپىلدەندىرىلەدى.
بيزنەسى جۇمىس ىستەپ تۇرعان كاسىپكەرلەرگە باعدارلامانىڭ ءبىرىنشى باعىتى بويىنشا 360 ميلليون تەڭگەگە دەيىن نەسيە، 2 باعىت بويىنشا 1 ميلليارد تەڭگەگە دەيىن كەپىلدەمە بەرىلەدى. نەسيە سوماسىنىڭ 50% كەپىلدەندىرىلەدى.
باعدارلامانىڭ ءبىرىنشى باعىتى بويىنشا 360 ملن تەڭگەگە دەيىن اينالىم قاراجاتىن 100% تولىقتىرۋعا باعىتتالعان نەسيەلەر، 2 باعىت بويىنشا 500 ملن تەڭگە، ساۋدا سالالارىنداعى اينالىم كاپيتالىن تولىقتىرۋعا باعىتتالعان جوبالارعا نەسيە سوماسى 100 ملن. تەڭگە كولەمىندە بەرىلەدى.
سونداي-اق سالالىق شەكتەۋلەر الىنىپ تاستالدى (قازاقستان رەسپۋبليكاسىنىڭ پك 24-بابىنىڭ 4-تارماعىندا كورسەتىلگەن ساۋدا مەن قىزمەتتى قوسپاعاندا).
بجك - 2025» باعدارلاماسىندا: ازىق-تۇلىك، سابىن جانە جۋعىش زاتتار ءوندىرىسى، سانيتارلىق ماقساتتاعى قاعاز ونىمدەرى، اۆتوموبيلدەرمەن جۇك تاسىمالى، قويما جانە قوسالقى كولىك قىزمەتى، تۋريزم، جالعا بەرۋ جانە جەكە مەنشىك سەكتورلارداعى ءىرى كاسىپكەرلىك سۋبەكتىلەرى، جالعا بەرۋ سەكىلدى ءىرى بيزنەس سۋبەكتىلەرى قوسىلدى.
«قاراپايىم زاتتار ەكونوميكاسى» باعدارلاماسىنا دا وزگەرىستەر ەنگىزىلدى. سوعان سايكەس باعدارلامانى قارجىلاندىرۋدىڭ جالپى كولەمى 10 جىلعا دەيىنگى مەرزىممەن 1 ترلن. تەڭگەگە دەيىن ءوستى. باعدارلاماعا جاتاتىن تاۋارلاردىڭ ءتىزىمى كەڭەيتىلدى. ەكىنشى دەڭگەيلى بانكتەرمەن (ەدب) بىرگە اگروونەركاسىپتىك كەشەندە (اوك) ءوندىرىس جانە قايتا وڭدەۋ بويىنشا باسىم جوبالاردى قارجىلاندىرۋ وپەراتورى اگرارلىق نەسيە كورپوراسياسى بولىپ بەكىتىلدى.
نەگىزگى قارىزدى جانە سىياقىنى نەسيە مەرزىمىنىڭ جارتىسىنان اسپايتىن مەرزىمگە دەيىن كەيىنگە قالدىرۋعا مۇمكىندىك بەرىلدى. سونىمەن قاتار، مۇنداي جاعدايلار مەملەكەت باسشىسىنىڭ، قازاقستان رەسپۋبليكاسى ۇكىمەتىنىڭ پرەزيدەنتى اكىمشىلىگىنىڭ ءتيىستى شەشىمدەرىمەن راستالۋى كەرەك.
«دامۋ» كاسىپكەرلىكتى دامىتۋ قورى» اق باسقارما ءتورايىمى گاۋحار بۋريبايەۆانىڭ ايتۋىنشا، وڭىرلەردە قاراجات تاپشىلىعى جوق. مەملەكەت «بجك-2025» جانە «قزە» سۋبسيديالارى مەن كەپىلدىكتەرىندەگى وسى وزگەرىستەردى ىسكە اسىرۋ ءۇشىن 2020 جىلعا قوسىمشا قارجى ءبولدى، قولدا بار قاراجاتقا قوسىمشا 44 ملرد تەڭگە ءبولىندى.
وسى باعدارلامالاردا قابىلدانعان وزگەرتۋلەر كوپ كاسىپكەرلەرگە كومەكتەسۋگە، بيزنەس جاعدايلارىن جاقسارتۋعا جانە قازاقستان ەكونوميكاسى ءۇشىن قاجەت جوبالاردى قارجىلاندىرۋ مۇمكىندىكتەرىن كەڭەيتۋگە كومەكتەسەدى.
پىكىر قالدىرۋ