18 مامىردان ەلورداداعى وڭالتۋ ورتالىقتارىنىڭ جۇمىسىن باستاۋ جوسپارلانىپ وتىر. بۇل تۋرالى نۇر-سۇلتان قالالىق ءبىلىم باسقارماسىنىڭ باسشىسى شولپان قادىروۆا حابارلادى.
– 1 ماۋسىمنان بارلىق مەكتەپكە دەيىنگى ۇيىمداردىڭ جۇمىسىن شتاتتىق رەجيمدە قايتا باستاۋ جوسپارلانۋدا. سونداي-اق ارنايى ۇيىمدار، پسيحولوگيالىق-مەديسينالىق ءارى پەداگوگيكالىق كونسۋلتاسيالار، پسيحولوگيالىق-پەداگوگيكالىق تۇزەۋ كابينەتتەرى، وڭالتۋ ورتالىقتارى 18 مامىردان جۇمىسىن باستاۋعا دايىن. ەرەكشە ءبىلىمدى قاجەت ەتەتىن ءار بالامەن جەكە جۇمىستار جۇرگىزىلەدى، – دەدى ش. قادىروۆا ونلاين باسپا ءسوز ءماسليحاتىندا.
وسى ورايدا ول تۋىنداعان سۇراقتار بويىنشا اتا-انالار ءبىلىم باسقارماسىنىڭ كولل-ورتالىعىنا حابارلاسا الاتىنىن اتاپ ءوتتى.
پىكىر قالدىرۋ