بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىستىق ىشكى ساياسات باسقارماسى باسشىسىنىڭ ورىنباسارى نۇرتاس سالي مالىمدەدى.
تۇركىستان وبلىسى ماقتاارال اۋدانىندا ورىن العان توتەنشە جاعدايعا بايلانىستى زارداپ شەككەن تۇرعىندارعا كومەك كورسەتىپ، قولداۋ ءبىلدىرۋ ماقساتىندا ماڭعىستاۋ وبلىسىندا گۋمانيتارلىق كومەك جيناۋ پۋنكتتارى ۇيىمداستىرىلدى.
پۋنكتتاردا جۇك جيناۋ جۇمىستارى 4 – 9 مامىر ارالىعىندا قالالار مەن اۋداندارداعى جاستار رەسۋرستىق ورتالىقتارىنىڭ بازاسىندا جانە ءىرى ازىق-تۇلىك دۇكەندەرى مەن بازارلاردىڭ الدىندا جۇرگىزىلدى.
گۋمانيتارلىق جۇكتىڭ ىشىندە ۇزاق ساقتالاتىن ازىق-تۇلىكتەر، كيىم-كەشەكتەر مەن توسەك-جابدىقتار، دارى-دارمەكتەر جانە گيگيەنالىق قۇرالدار قامتىلدى.
العاشقى گۋمانيتارلىق كومەك 7 مامىر كۇنى جاڭاوزەن قالاسىنان جونەلتىلدى. 7 گازەل اۆتوكولىكتەرىمەن جالپىلاي ەسەپتەگەندە 7،5 تونناعا جۋىق گۋمانيتارلىق جۇك جىبەرىلدى.
ەكىنشى گۋمانيتارلىق كومەك 9 مامىر كۇنى اقتاۋ قالاسىنان جانە بەينەۋ، مۇنايلى، قاراقيا اۋدانىنان جىبەرىلدى. 2 فۋرا جانە 14 گازەل اۆتوكولىكتەرىمەن جالپىلاي ەسەپتەگەندە 70 تونناعا جۋىق گۋمانيتارلىق جۇك ماقتاارالدىقتارعا جونەلتىلدى.
-«جالپىلاي العاندا، وسى ارالىقتا 77،5 تونناعا جۋىق گۋمانيتارلىق جۇك ماڭعىستاۋ جۇرتشىلىعى اتىنان تۇركىستاندىقتارعا جەتكىزىلدى»، - دەيدى نۇرتاس سالي.
بۇگىنگى كۇنى تۇركىستان وبلىسىندا ارنايى جۇك جيناۋ قويمالارى ۇيىمداستىرىلىپ، تۇرعىندارعا تاراتۋ جۇمىستارى جۇرگىزىلۋدە
پىكىر قالدىرۋ