ۇكىمەت باسشىسى وسكەمەن قالاسىنىڭ جاڭا شاعىن اۋدانىنداعى «نۇرلى جەر» مەملەكەتتىك باعدارلاماسى اياسىندا سالىنىپ جاتقان الەۋمەتتىك تۇرعىن ءۇي قۇرىلىسىمەن تانىستى.

مۇندا جالپى اۋدانى 400 مىڭ شارشى مەترگە جۋىق 48 ءۇي سالۋ جوسپارلانعان. وبلىس ورتالىعىندا سوڭعى جىلدارى بىرنەشە شاقىن اۋداندار قولدانىسقا بەرىلىپ، مىڭداعان وتباسى باسپانالى بولدى. قۇرىلىس قارقىنىن وڭ باعالاعان ۇكىمەت باسشىسى سەمەي قالاسىنداعى قاراعايلى شاعىن اۋدانىنداعى تۇرعىن ءۇي قۇرىلىسىمەن دە تانىستى.

قاراعايلى شاعىن اۋدانىندا بۇگىنگى كۇنى جالپى اۋدانى 111،965 مىڭ ش. م. 20 ءۇي پايدالانۋعا بەرىلدى. 2019 جىلى جالپى اۋدانى 95،883 مىڭ شارشى مەتر 1269 پاتەر بولاتىن 18 ءۇيدىڭ قۇرىلىسى باستالدى.

اسقار مامين شاعىن اۋداندا سالىنىپ جاتقان سەگىز ءۇيدىڭ قۇرىلىس بارىسىمەن تانىستى.

جالپى، وبلىستا 2020 جىلى بارلىق قارجىلاندىرۋ كوزدەرىنەن 118 كوپ پاتەرلى تۇرعىن ءۇيدىڭ قۇرىلىسى جوسپارلانعان.