قازاقستاندا قورىتىندى اتتەستاتتاۋ جانە ءبىلىم الۋشىلاردىڭ ديپلومدىق جۇمىسىن قورعاۋ ونلاين فورماتتا وتەدى. بۇل تۋرالى ەلوردا اكىمدىگىنىڭ رەسمي سايتى حابارلادى.

بيىل قورىتىندى اتتەستاتتاۋ جانە ءبىلىم الۋشىلاردىڭ ديپلومدىق جۇمىسىن (جوباسىن) قورعاۋ Microsoft teems، ايس «Platonus» پلاتفورمالارىندا، ZOOM، Google، سlass room ارقىلى بەينەبايلانىسپەن ونلاين وتكىزۋ جوسپارلانۋدا. سونداي-اق نۇر-سۇلتان قالالىق ءبىلىم باسقارماسىنىڭ باسپا ءسوز حاتشىسى التىناي زارلىق قىزى بارلىق ەمتيحان بەينەجازباعا جازىلادى دەپ اتاپ ءوتتى. 

ونىڭ ايتۋىنشا، قاشىقتان وقۋدىڭ ناتيجەلى بولۋى ماقساتىندا وقۋشىلار مەن پەداگوگتاردىڭ كومپيۋتەر جانە ينتەرنەت جەلىسىمەن قامتىلۋىنا مونيتورينگ جۇرگىزىلگەن.

– مونيتورينگ قورىتىندىسى بويىنشا ءبىلىم باسقارماسىمەن مەكتەپ بالانسىنداعى 7118 كومپيۋتەر كوپبالالى جانە از قامتىلعان وتباسىلاردان 6500 وقۋشىعا جانە 618 پەداگوگكە ۋاقىتشا پايدالانۋعا بەرىلدى. قوسىمشا 2613 نوۋتبۋك جانە ينتەرنەتپەن قامتۋ ءۇشىن 5200 فلەش-كارتا ساتىپ الىندى، – دەدى ا. زارلىق قىزى.

وسى وقۋ جىلىندا كوللەدجدەردەگى تۇلەكتەر سانى – 6 605 ستۋدەنت، ونىڭ ىشىندە 3787ء-سى مەملەكەتتىك تاسپىرىسپەن بىتىرەدى. ءبىلىم الۋشىلار مەن وقىتۋشىلار قاجەتتى تەحنيكامەن: كومپيۋتەر، فلەش-كارتا جانە wi-fi روۋتەرمەن قامتاماسىز ەتىلگەن.