ترامپ باراك وباما مەن دجو بايدەندى 50 جىلعا تۇرمەگە وتىرعىزۋ كەرەكتىگىن ايتتى. بۇل تۋرالى قامشى ءتىلشىسى Daily Telgegraph باسىلىمىنا سىلتەمە جاساپ حابارلايدى. 

Fox Business-كە بەرگەن سۇحباتىندا اقش پرەزيدەنتى دونولد ترامپ ءوزىنىڭ ۇلتتىق قاۋىپسىزدىك جونىندەگى بۇرىنعى كەڭەسشىسى مايكل ءفليننىڭ نىساناعا الىنۋىن "ءبىزدىڭ ەلىمىزدىڭ تاريحىنداعى ەڭ ۇلكەن ساياسي قىلمىس" دەپ اتادى. 

ترامپ ءفلينننىڭ قۇلاتىلۋىنا بايلانىستى ءىستى اتاپ ءوتىپ، ونى "باتىر" دەپ اتادى. ال، وباما مەن بايدەندى "سىبايلاس جەمقورلار" دەدى.

– ولار (فتب قىزمەتكەرلەرى) فليننگە ەرمەدى. مەنى الداۋىن ءۇمىت ەتتى. وتىرىك وقيعا جاساۋىنان ۇمىتتەندى. بۇل ىستەردىڭ بارلىعى وباماعا قاتىستى، بايدەنگە قاتىستى. ولار سىبايلاس جەمقورلىققا باتقان. ءبىز ولاردى ۇستاپ الدىق.  ەگەر مەن رەسپۋبليكاشىل ەمەس، دەموكرات بولسام، مەنىڭ ويىمشا، ولاردى تۇرمەگە وتىرعىزار ەدىم. مەن 50 جىلعا سوتتاۋدى ايتىپ وتىرمىن. بۇل ماسقارا، بۇل ءبىزدىڭ ەل تاريحىنداعى ەڭ ۇلكەن ساياسي الاياقتىق. بۇل ىستەر ءۇشىن ادامدار تۇرمەگە قامالۋى كەرەك جانە كوپتەگەن ادامدار اقشا تولەۋى كەرەك دەپ ۇمىتتەنەمىن، – دەدى ترامپ.