بيىل يندۋستريالاندىرۋ كارتاسى اياسىندا 1 ترلن. تەڭگە سوماعا 160 جوبانى ىسكە اسىرىپ، 17 مىڭنان استام تۇراقتى جۇمىس ورنىن اشۋ جوسپارلانعان، دەپ حابارلادى يندۋستريا جانە ينفراقۇرىلىمدىق دامۋ مينيسترلىگى.
جۇمىس ورىندارى تاۋ-كەن مەتاللۋرگيا كەشەنى، قۇرىلىس يندۋسترياسى، حيميا ونەركاسىبى، ماشينا جاساۋ، مۇناي-گاز حيمياسى، مۇناي وڭدەۋ، فارماسيەۆتيكا، اگروونەركاسىپتىك كەشەن، ازىق-تۇلىك ءوندىرىسى سالالارىندا قۇرىلادى دەپ كۇتىلۋدە.
جوبالاردىڭ باسىم بولىگى الماتى (33 جوبا) جانە اقتوبە (20 جوبا) وبلىستارىندا ىسكە اسىرىلادى. قارجىلاندىرۋ كولەمى بويىنشا قاراعاندى (256،4 ملرد.تەڭگە) جانە الماتى (230،2 ملرد. تەڭگە) وبلىستارى كوش باستاپ تۇر.
وتاندىق كاسىپكەرلەر باستاماشى بولعان بارلىق جوبالار بانكتەردىڭ مەنشىكتى جانە كرەديتتىك رەسۋرستارى ەسەبىنەن جۇزەگە اسىرىلادى.
جوبالار 2020 جىلدىڭ ءىى جارتىجىلدىعىندا ىسكە قوسىلادى دەپ جوسپارلانۋدا.
پىكىر قالدىرۋ