بريتانيا پرەمەر-مينيسترى بوريس دجونسون قىتايلىق Huawei كومپانياسىنىڭ 5G جەلىلەرىنىڭ بولۋىنا قارسى بولعان كونسەرۆاتورلاردىڭ تالاپتارىنا كەلىسۋگە ءماجبۇر بولدى جانە 2023 جىلعا قاراي جۇڭگو كومپانياسىنىڭ ۇلەسىن نولگە دەيىن تومەندەتۋ جوسپارىن جاسادى. بۇل تۋرالى قامشى ءتىلشىسى The Guardian باسىلىمىنا سىلتەمە جاساپ حابارلايدى.
"بوريس دجونسوننىڭ Huawei-دىڭ نارىقتاعى ۇلەسىن 35%-عا تومەندەتۋ تۋرالى ۇسىنىسى بريتانيا پارلامەنتىندە داۋىس بەرۋگە سالعان كەزدە ويسىراي جەڭىلىپ، ۇياتقا قالۋى مۇمكىن" دەپ جازدى The Guardian.
بريتانيا پرەمەر-مينيسترى قازىرگە دەيىن 80 دەپۋتاتتىڭ قولداۋىمەن باسىمدىققا يە بولسا دا، بۇل ماسەلەدە اشىق قارسىلىققا دايىن كونسەرۆاتور دەپۋتاتتاردىڭ سانى 50-گە جەتتى دەپ بولجانۋدا. ۇكىمەتتى جەڭۋ ءۇشىن بۇل جەتكىلىكتى، ويتكەنى كوروناۆيرۋس داعدارىسى كەزىندە قىتايعا قارسى پىكىر كۇشەيىپ كەلەدى.
پىكىر قالدىرۋ