الماتى اكىمى باقىتجان ساعىنتايەۆ قايتىس بولعان پوليسيا قىزمەتكەرلەرىنىڭ وتباسىلارىنا كوڭىل ايتتى، - دەپ حابارلايدى Qamshy.kz اقپارات اگەنتتىگى قالا اكىمدىگىنىڭ باسپا ءسوز قىزمەتىنە سىلتەمە جاساپ.

بۇگىن الماتى اكىمى باقىتجان ساعىنتايەۆ ءوز مىندەتتەرىن ورىنداۋ بارىسىندا قازا تاپقان پوليسيا قىزمەتكەرلەرىنىڭ وتباسىلارى مەن جاقىندارىنا كوڭىل ايتتى.

"بلوكبەكەتتە قىزمەت اتقارىپ جۇرگەن پوليسيا قىزمەتكەرلەرى جاراس جانعازييەۆ پەن داستان ءابدىقانوۆتىڭ جول اپاتى وقيعاسىنان قازا بولۋىنا بايلانىستى وتباسىلارى مەن جاقىندارىنا قايعىرىپ كوڭىل ايتامىن."، - دەپ جازدى Twitter پاراقشاسىنا باقىتجان ساعىنتايەۆ. 

ەسكە سالا كەتسەك، بۇگىن الماتىدا ماس جۇرگىزۋشى بلوكبەكەتكە سوعىلىپ، ەكى پوليسەيدىڭ قازا تاپتى. 

"25 مامىردا تاڭعى ساعات 05.26-دا BMW ماركالى كولىكتىڭ 1992 جىلعى جۇرگىزۋشى الماتى وبلىسى قاراساي اۋدانى كوكساي ىقشاماۋدانى قوجابەكوۆ كوشەسىمەن سولتۇستىك باعىتتا كەلە جاتىپ، جاڭا عاسىر كوشەسىنىڭ قيىلىسىندا №4 بلوكبەكەتكە بارىپ سوعىلىپ، ينەرسيامەن پاترۋلدىك كولىككە قاراي ءۇشىپ كەتكەن. سالوندا ەكى پوليسەي بولعان"،  دەلىنگەن رەسمي حابارلامادا.