دۇنيەجۇزىلىك دەنساۋلىق ساقتاۋ ۇيىمى پاندەميانىڭ ەكىنشى تولقىنى جۋىق ارادا بولۋى مۇمكىن ەكەنىن ەسكەرتتى. بۇل تۋرالى قامشى ءتىلشىسى Reuters-كە سىلتەمە جاساپ حابارلايدى.
كەشە دۇنيەجۇزىلىك دەنساۋلىق ساقتاۋ ۇيىمىنىڭ توتەنشە جاعدايلار جونىندەگى باسشىسى مايك رايان ونلاين-بريفينگتە كوروناۆيرۋستىڭ ەكىنشى تولقىنى الداعى ايلاردا كوپتەگەن ەلدەر ءۇشىن "شىندىققا اينالۋى مۇمكىن" ەكەنىن مالىمدەدى.
دوكتور رايان "ەكىنشى تولقىن تۋرالى ايتاتىن بولساق، ادەتتە اۋرۋدىڭ العاشقى تولقىنى بولادى، سودان بىرنەشە ايدان كەيىن قايتالانادى. ءبىراق ءبىز اۋرۋدىڭ كەز كەلگەن ۋاقىتتا ءورشۋى مۇمكىن ەكەنىن ءبىلۋىمىز كەرەك" دەدى.
– ادامدار كوروناۆيرۋستىڭ تارالۋى تومەندەپ بارا جاتقاندىقتان، ءبارى تومەندەي بەرەدى دەپ ويلاماۋى كەرەك. كەيبىر ەلدەردە ءتىپتى العاشقى تولقىننىڭ شارىقتاۋ شەگى ءالى بولعان جوق، – دەدى رايان.
پىكىر قالدىرۋ