اقمولا وبلىسىندا كاسىپكەر ءىز-تۇزسىز جوعالىپ كەتتى، دەپ حابارلايدى Qamshy.kz اقپارات اگەنتتىگى وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
"25 مامىردا ايەل ادام پوليسياعا 37 جاستاعى كۇيەۋى رۋسلان ءيماندينوۆتىڭ جوعالعانى تۋرالى حابارلاعان. ول سول كۇنى ۇيدەن Toyota Estima Lucida كولىگىمەن جۇمىستارىمەن كەتكەن. جوعالعان ەر ادامنىڭ جەكە كاسىپكەر ەكەنى بەلگىلى بولدى"، دەلىنگەن پوليسيا تاراتقان حابارلامادا.
باستى بەلگىلەرى – بويى 170-180 سانتيمەتر، تاز، دەنە ءبىتىمى تىعىنشىقتاي. سۇر ءتۇستى قىسقا شالبار، قارا ءتۇستى فۋتبولكا مەن قارا ءتۇستى كروسس كيگەن.
پوليسەيلەر قانداي دا ءبىر مالىمەت بىلەتىندەردەن 102 نومىرىنە حابارلاسۋدى سۇرايدى.
پىكىر قالدىرۋ