سوڭعى كەزدەرى كوروناۆيرۋس ينفەكسياسىنىڭ بار ەكەنىنە ءشۇبا كەلتىرەتىندەردىڭ سانى ارتتى.
جامبىل وبلىسىندا ينفەكسيا جۇقتىرىپ، اۋرۋحاناعا تۇسكەن ناۋقاس ازاماتتارعا ءوز-وزىن ساقتاپ جۇرۋگە كەڭەس بەرەدى.
اپتا ىشىندە جامبىل وبلىسىنان 100-دەن استام ادامنىڭ كوروناۆيرۋس جۇقتىرعانى انىقتالدى. 28 مامىر كۇنگى كورسەتكىش بويىنشا، ايماقتا بارلىعى 362 ادام ينفەكسيا جۇقتىرعان.
180 ناۋقاس جازىلىپ شىقسا، 181 ناۋقاس ءقازىر ەم الىپ جاتىر. ەم الىپ جاتقانداردىڭ ءبىرى – تۇرعىنبايەۆا سەيسەكۇل.
"8 مامىر كۇنى ىستىعىم 39 گرادۋسقا دەيىن كوتەرىلىپ، ءوزىمدى ءالسىز سەزىنە باستادىم. جەدەل جاردەم دارىگەرلەرى مەنى جۇقپالى اۋرۋلار اۋرۋحاناسىنا الىپ كەلدى. سودان بەرى ەم الىپ جاتىرمىن. شىنىمدى ايتسام، كوروناۆيرۋس جۇقتىرامىن دەپ ەشقاشان ويلاماپپىن. وبلىس تۇرعىندارىنا بارلىق شارالاردى ساقتاپ، دەنساۋلىقتى كۇتىڭدەر دەگىم كەلەدى. بۇل اۋرۋ وتە قيىن ەكەن. مەن جەتى كۇن بويى جانساقتاۋ بولىمىندە جاتتىم. اۋرۋحانا قىزمەتكەرلەرىنە العىسىم زور. ولار دەمالىسسىز جۇمىس ىستەپ جاتىر. وڭاي ەمەس. كومەكتەسەيىك! بىرگە بولايىق!" دەدى ول.
دەگەنمەن، كارانتين شارالارى جەڭىلدەگەلى بەرى ايماقتارداعى تۇرعىندار ساقتىق شارالارىن ۇمىتا باستاعانداي. ءقازىر كوشەدە ماسكا كيگەندەر سانى سيرەگەن. سانيتارلىق دارىگەرلەر بۇلاي بولمايتىنىن، وسىلاي جالعاسا بەرسە، كارانتين توقتامايتىنىن ايتۋدا.
پىكىر قالدىرۋ