الماتى وبلىسى ىلە اۋدانىندا تۇرعىنعا بالاعات سوزدەر ايتىپ، ءتىل تيگىزگەن شەنەۋنىك جۇمىسىنان قۋىلدى، دەپ جازادى tengrinews.kz. 

ۆيدەوداعى ىلە اۋدانى اكىمدىگىنىڭ قىزمەتكەرى تۇرعىنعا "سەن ساسىقسىڭ" دەپ ءتىل تيگىزگەن. "سەن پۋبليكاعا ويناما، ساسيسىڭ (...) ساسىقسىڭ عوي سەن. مەن سەنىمدىمىن، جاۋاپ بەرەمىن" دەيدى شەنەۋنىك ۆيدەودا.

اۋدان تۇرعىنى الەۋمەتتىك جەلىدە اكىمدىك قىزمەتكەرىنە شاعىم تۇسىرگەن. ونىڭ ايتۋىنشا، ول اكىمدىكتە نەگە ۆيدەوعا تۇسىرۋگە بولمايتىنىن بىلگىسى كەلگەن. وسى ۋاقىتتا ونىڭ الدىنان كاسىپكەرلىك ءبولىمىنىڭ باسشىسى شىعىپتى.

– نەگە اكىمدىك قىزمەتكەرلەرى سمارتفون پايدالانادى؟ ال بىزگە نەگە رۇقسات جوق؟ مەنىڭ ويىمشا، بۇل ءبىزدىڭ قۇقىعىمىزدى شەكتەيدى. ءبىر قىزمەتكەر ۇيالى تەلەفونعا تۇسىرگەنىم ءۇشىن اشۋلاندى. ول كارانتين رەجيمىن بۇزىپ جۇرگەنىمدى ايتتى. ءبىراق ءوزى ماسكا تاقپاي، كارانتيندى بۇزىپ ءجۇر، – دەيدى تۇرعىن.

ول شەنەۋنىكتىڭ "مال، ساسيسىڭ. ءقازىر ەركەكتىڭ ءبارى كويلەك كيسىن" دەپ وزىنە ءتىل تيگىزگەنىن اشىق ايتىپ، شاعىمداندى.