الماتى تاۋلارىندا جوعالىپ كەتكەن تۋريست اسەل پانارعالييەۆانىڭ دەنەسى تابىلدى.

قىزدىڭ دەنەسى ۇلكەن الماتى كولىنىڭ قاسىنداعى كوسموستانسيا اۋماعىندا تابىلعان. قازىرگى ۋاقىتتا پوليسيا قىزدىڭ نەدەن قايتىس بولعانىن انىقتاۋ ءۇشىن سوت-مەديسينالىق ساراپتاما جۇمىستارىن جۇرگىزىپ جاتىر.

ەسكە سالا كەتەيىك، 26 جاستاعى اسەل پانارعالييەۆانىڭ جوعالىپ كەتكەنىنە 6 ايدان استام ۋاقىت ءوتتى. ول تاۋ تۋريزمىمەن اينالىسىپ جۇرگەن. 9 قاراشا ساعات 13:00 شاماسىندا ول ۇلكەن الماتى (جوسالى) كولىندە تۇسكەن فوتوسىن الەۋمەتتىك جەلىگە جاريالاعان. ودان كەيىن بايلانىسقا شىقپاعان. قىزدىڭ 9 قاراشا كۇنى كوسموستانسيا اۋدانىندا تاۋدان ءتۇسىپ كەلە جاتقانىن ادامدار كورگەن.

سونىمەن قاتار اسەلدىڭ اتا-اناسى تىكۇشاقپەن ىزدەۋ سالىپ، ىزدەپ تاپقان ادامعا سىياقى بەرەتىنىن حابارلاعان بولاتىن. 

سوڭعى ىزدەستىرۋ جۇمىستارى 14 مامىردا قايتا باستالعان. قۇتقارۋشىلار كوممۋنالنيك – باو – گاييش – عارىش ستانسياسى – ۇلكەن الماتى شىڭىمەن جۇرگەن.