ماڭعىستاۋدا «باستاۋ بيزنەس» وقىتۋ كۋرسى باستالادىز. 

بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىستىق «اتامەكەن» كاسىپكەرلەر پالاتاسىنىڭ ءبولىم باسشىسى امانات ماحمۋتوۆ مالىمدەدى.
جۇمىسسىز ازاماتتارعا قولداۋ كورسەتۋ ماقساتىندا بيىل "ەڭبەك" باعدارلاماسى بويىنشا وبلىسىمىزعا 640 قايتارىمسىز گرانت ءبولىندى. وقۋعا كوپبالالى وتباسى نەمەسە از قامتىلعان جانۇيا مۇشەلەرى، ورالماندار، مۇمكىندىگى شەكتەۋلى ازاماتتار ( I، II توپ مۇگەدەكتەر). بۇل ازاماتتار كۋرس وقىماي-اق تىكەلەي باعدارلاماعا قاتىسا الادى. ال، جۇمىسسىز ازاماتتارعا ارنايى وقۋ قاجەت.
سوعان بايلانىستى وبلىسىمىزدا «باستاۋ بيزنەس» وقۋ گرانتى 10 ماۋسىم كۇنى باستالعالى جاتىر. ونى الدىن-الا جەرگىلىكتى گازەت، الەۋمەتتىك جەلىلەرگە جاريالاندى. وقۋعا تىركەلۋ ءۇشىن اۋداندىق، قالالىق تۇرعىندار جەرگىلىكتى جۇمىسپەن قامتۋ ورتالىقتارىنا حابارلاسىپ جولداما الۋلارى قاجەت. "باستاۋ بيزنەس" بويىنشا وقۋ اياقتالعاننان كەيىن گرانتقا قاتىسۋعا نەمەسە تومەن پايىزدىق شاعىن نەسيەگە الۋعا مۇمكىندىك بار. اتاپ ايتار بولساق، اۋىل شارۋاشىلىعى مەن مال شارۋاشىلىعىن قارجىلاي قولداۋ قورى 78 ايعا دەيىن 4 ملن تگ بەرىپ جاتىر. تىگىن شەبەرحانالارى مەن اۆتوكولىك جۋۋ ورتالىقتارىنا دا 60 ايعا 6 ملن. تگ نەسيە بەرىلىپ وتىر. ايتا كەتەيىك، نەسيە الاتىن ازاماتتىڭ مىندەتتى تۇردە كەپىلدىگى بولۋ شارت.
سول سياقتى «بيزنەستىڭ جول كارتاسى- 2025» باعدارلاماسى بويىنشا دا تىڭ يدەيالارى بار كاسىپكەرلەردى قولداۋعا گرانتتار قاراستىرىلعان. بيىل ماڭعىستاۋ وبلىسىندا گرانتتاردى كۇزگە سالىم بەرۋ جوسپاردا بار. گرانت قورى شامامەن 2-5 ملن.تگ ارالىعىندا بەرىلەدى. ءوتىنىش بەرۋ ءۇشىن ازاماتتار جەرگىلىكتى كاسىپكەرلىك بولىمىنە بارادى. بۇل گرانتكا بارلىق كاسىپكەرلەر قاتىسۋعا مۇددەلى.