جاعاجاي مەن دەمالىس بازالارى جۇمىسىن قايتا باستايدى.
بۇل تۋرالى وبلىستىق قوعامدىق كوممۋنيكاسيا ورتالىعىندا وتكەن بريفينگتە اقتاۋ قالالىق كاسىپكەرلىك جانە ونەركاسىپتى دامىتۋ ءبولىمىنىڭ باس مامانى اسەت وتەعالييەۆ مالىمدەدى.
ماڭعىستاۋ وبلىسىنىڭ اۋماعىندا كارانتيندىك شارالاردى كەزەڭ-كەزەڭىمەن جەڭىلدەتۋ جۇمىستارى جۇرگىزىلۋدە.وسىعان وراي، وبلىستىڭ باس سانيتار دارىگەرىنىڭ قاۋلىسىنا سايكەس، ماڭعىستاۋ وبلىسىندا 1 ماۋسىم كۇنىنەن باستاپ جەڭىلدەتىلەتىن كارانتيندىك شارالار جانە جۇمىستارىن جانداندىراتىن ءبىرقاتار كاسىپكەرلىك نىساندارىنىڭ ءتىزىمى جاساقتالدى. اتاپ ايتاتىن بولساق:
- سپورت زالدارداعى سپورتتىق جاتتىعۋلارعا جۇمىس رەگلامەنتىن شەكتەۋسىز، عيمارات ىشىندەگى ادام سانىن 30%-عا دەيىنگى سىيىمدىلىقپەن قامتي وتىرىپ رۇقسات ەتىلەدى؛
- قوعامدىق تاماقتانۋ ورىندارىنا، كافەلەر مەن رەستوراندارعا (تويحانالاردى قوسپاعاندا) 50 وتىراتىن ورىننان اسىرماي، ەپيدەمياعا قارسى شارالاردى جانە ارا قاشىقتىقتى قاتاڭ ساقتاي وتىرىپ ساعات 23:00-گە دەيىن جۇمىس جاساۋعا رۇقسات ەتىلەدى؛
- جاعاجاي جانە دەمالىس بازالارى ەپيدەمياعا قارسى شارالاردى قاتاڭ ساقتاي وتىرىپ جۇمىستارىن باستايدى؛
- قوعامدىق مونشالارعا جانە سپا ورتالىقتارىنا ىشىندەگى ادام سانىن 30%-عا دەيىنگى سىيىمدىلىقپەن قامتي وتىرىپ جۇمىس جاساۋىنا رۇقسات بەرىلەدى؛
- ساۋدا ويىن-ساۋىق ورتالىقتارى ساعات 9:00 – 22:00 ارالىعىندا قىزمەتتەرىن جالعاستىرادى. ءبىراق، كينوتەاترلار مەن بالالاردىڭ ويىڭ الاڭدارىنا جانە مۇز ايدىندارىنا ۋاقىتشا رۇقسات ەتىلمەيدى.