«Universal Energy (Qazaqstan)» كومپانياسى مەن قازاقستاندىق كاسىپكەرلەر اسقار الشىنبايەۆ، ەۆگەنيي فەلد، نۇرجان بەكشەنوۆ، ەسەنعالي بايمەنوۆ جانە رايىمبەك باتالوۆ Covid-19 ينفەكسياسىمەن كۇرەستىڭ الدىڭعى ساپىندا جۇرگەن الماتى وبلىسىنىڭ مەديسينالىق جانە باسقا دا ۇيىمدارىنا گۋمانيتارلىق كومەك جۇكتەرىن جەتكىزىپ بەردى.
جالپى قۇنى 100 ميلليون تەڭگەدەن استام سوما تۇراتىن كوپ رەت پايدالاناتىن Dupont كوستيۋمدەرى، ينفراقىزىل تەرمومەترلەر، ماسكالار، رەسپيراتورلار، قورعانىس كوزىلدىرىكتەرى قحر-دان ساتىپ الىنىپ، قازاقستانعا ارنايى رەيسپەن اكەلىنگەن. بۇل قورعانىس قۇرالدارى ىندەتپەن كۇرەس شارالارىنا تارتىلعان مەديسينالىق جانە باسقا دا ۇيىمدارعا ءبولىپ بەرۋ ءۇشىن وبلىس اكىمدىگىنە تاپسىرىلدى. بارلىق مەديسينالىق بۇيىمدار مەن امۋنيسيا قىتايلىق جانە ەۋروپالىق كاسىپورىنداردا وندىرىلگەن، ەۋروپالىق ساپا سەرتيفيكاتتارىنا يە.
«اسىرەسە، ق ر سىرتقى ىستەر مينيسترلىگىنە، ەلىمىزدىڭ قىتايداعى جانە قىتايداعى قازاقستاننىڭ ەلشىلىكتەرىنە ىندەت كەزىندەگى لوگيستيكالىق قيىندىق جاعدايىندا بىزگە قۇرالداردى جەتكىزۋگە كومەك كورسەتكەندەرى ءۇشىن العىسىمىز زور. بۇل زاماناۋي جەكە قورعانۋ قۇرالدارى ءبىزدىڭ مەديسينا ماماندارىنا كوروناۆيرۋسپەن كۇرەستە ۇلكەن كومەك بولادى دەپ سەنەمىز»، - دەپ اتاپ ءوتتى قايىرمدىلىق اكسياسىنىڭ باستاماشىلارى.
بۇل كومەكتى اكىمدىكتىڭ اتىنان وبلىس اكىمىنىڭ ورىنباسارى سەرىك تۇردالييەۆ قابىلداپ الدى. ول بيزنەستىڭ الەۋمەتتىك جاۋاپكەرشىلىگىن بەرىك ۇستانىپ، وسىنداي قيىن-قىستاۋ كەزەڭدە وڭىرگە قولداۋ بىلدىرگەن كاسىپكەرلەرگە ريزاشىلىعىن جەتكىزدى. قانداي قيىندىقتى دا بىرلىكتىڭ ارقاسىندا جەڭىپ شىعاتىنىمىزعا سەنىم ءبىلدىردى.
- وبلىس اكىمى اماندىق عابباس ۇلى باتالوۆتىڭ اتىنان «Universal Energy» (Qazaqstan) كومپانياسىنىڭ قۇرىلتايشىلارى ي نان، بولات ابيلوۆ پەن وراز جاندوسوۆتاردىڭ كورسەتكەن قولداۋلارىنا، قامقور نيەتتەرىنە العىس ايتامىز، - دەدى س.تۇردالييەۆ.
ەسكە سالساق، «Universal Energy (Qazaqstan) كومپانياسى جاڭارتىلعان ەنەرگيالىق نىسانداردىڭ قۇرىلىسىمەن جانە ونى ىسكە قوسۋمەن اينالىسادى. وبلىس اۋماعىندا اتالمىش كومپانيانىڭ «قاپشاعاي 100 مۆت» كۇن ەلەكتر ستانساسى جۇمىس ىستەيدى. وعان قوسا ىلە، سارقان اۋداندارىندا تاعى ەكى ستانسانىڭ قۇرىلىسى ءجۇرىپ جاتىر.
الماتى وبلىسى اكىمىنىڭ باسپا ءسوز قىزمەتى
پىكىر قالدىرۋ