قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ شەشىمىمەن قاۋىپسىزدىك كەڭەسى حاتشىلىعىنىڭ مەڭگەرۋشىسى اۋىستى. بۇل تۋرالى elbasy.kz حابارلادى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى، قازاقستان رەسپۋبليكاسى قاۋىپسىزدىك كەڭەسى ءتوراعاسىنىڭ شەشىمىمەن باسقا جۇمىسقا اۋىسۋىنا بايلانىستى شوقان جانات ۇلى ەلشىبەكوۆ قازاقستان رەسپۋبليكاسىنىڭ قاۋىپسىزدىك كەڭەسى حاتشىلىعىنىڭ مەڭگەرۋشىسى قىزمەتىنەن بوساتىلدى.

ونىڭ ورنىنا بۇعان دەيىن قاۋىپسىزدىك كەڭەستىڭ قۇقىق قورعاۋ جۇيەسى ءبولىمى مەڭگەرۋشىسىنىڭ ورىنباسارى بولعان ەرلان بايتۇقبايەۆ كەلدى.

ەرلان بايتۇقبايەۆ 1969 جىلى تۋعان. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن  ءتامامداعان (ماماندىعى "قۇقىقتانۋ").

ەڭبەك جولى الماتىدا فرۋنزە اۋدانى پروكۋرورىنىڭ كومەكشى-ستاجەرى رەتىندە باستادى. ءتۇرلى جىلدارى پروكۋرور، اعا پروكۋرور، قوستاناي وبلىسى پروكۋرورىنىڭ ورىنباسارى، ورتالىق كولىك پروكۋراتۋراسى اپپاراتىنىڭ جەتەكشىسى قىزمەتتەرىن اتقاردى.

سونداي-اق، يندۋستريا جانە جاڭا تەحنولوگيالار مينيسترلىگىنىڭ ونەركاسىپ كوميتەتى ءتوراعاسىنىڭ ورىنباسارى، ينۆەستيسيالار جانە دامۋ مينيسترلىگى كوميتەتى باسشىسىنىڭ ورىنباسارى بولعان.

تاعايىنداۋعا دەيىن قاۋىپسىزدىك كەڭەسىنىڭ قۇقىق قورعاۋ جۇيەسى ءبولىمى مەڭگەرۋشىسىنىڭ ورىنباسارى قىزمەتىن اتقارعان.