ماقتاارال اۋدانىنا قازاقستان ۇيعىرلارىنىڭ رەسپۋبليكالىق مادەني ورتالىعىنىڭ الماتى وبلىستىق فيليالى اتىنان گۋمانيتارلىق كومەك كەلىپ جەتتى.

كەرۋەنمەن جەتكەن ازىق-تۇلىك الداعى ۋاقىتتا تاسقىننان زارداپ شەككەن وتباسىلارعا ۇلەستىرىلەتىن بولادى.

جەتىسۋلىق كەرۋەندى باستاپ كەلگەن الماتى وبلىسى ۇيعىر ەتنومادەني ورتالىعىنىڭ تالدىقورعان قالاسىنداعى وكىلى نۋرۋم يۆۋللايەۆ.

كەرۋەن 7 تونناعا جۋىق 140 ءتۇرلى ازىق-تۇلىك جيىنتىعىن الا كەلگەن. سونداي-اق، دەلەگاسيا مۇشەسى، ۇيعىر مادەني ورتالىعىنىڭ بەلسەندىسى فارحاد ءسابيتوۆ قينالعان شاقتا وتانداستاردى قولداۋ – ءاربىر قازاق جەرىن مەكەندەگەن ازاماتتىڭ بورىشى ەكەندىگىن ايتتى.

«بۇگىن ماقتاارالدىق اعايىنعا تالدىقورعاننان ارنايى كومەك رەتىندە ازىق-تۇلىك الا كەلدىك. بۇل ەكىنشى رەت كەلۋىمىز. وسىنداي شاقتا بىرگە ەكەندىگىمىزدى كورسەتىپ، ىنتىماعىمىزدى ىسپەن پاش ەتۋىمىز كەرەك.

ءقازىر جالپى سومماسى 2 ملن تەڭگەگە جۋىق جۇك كەلدى. ونىڭ ىشىندە 250 كەلى كۇرىش، 100 كەلى قانت جانە وزگە دە قاجەتتى ازىقتار بار. ەلىمىزدى اپات پەن ءزىلزالادان ساقتاسىن»، – دەدى ول.

كەرۋەندى كۇتىپ العان ماقتاارال اۋداندىق ءماسليحات حاتشىسى قادىر سارسەكبايەۆ جەتىسۋ وڭىرىنەن كومەگىن الا كەلگەن اعايىنعا جەرگىلىكتى حالىق اتىنان العىسىن ءبىلدىردى.