الماتى وبلىسى ىشكى ساياسات باسقارماسىنىڭ قولداۋىمەن «Halyk» قايىرىمدىلىق قورى تەكەلى قالاسىنىڭ 100 وتباسىنا ازىق-تۇلىك قوراپتارىن تارتۋ ەتتى.
ءار وتباسىعا 3 قوراپتان، بارلىعى 300 ازىق-تۇلىك قوراپتارى مەن 500 ل كۇنباعىس مايى كوپبالالى جانە از قامتىلعان وتباسىلارعا جەتكىزىلدى. قوراپتار وتباسىنىڭ ءاربىر مۇشەسىنە ارنالعان جانە قاجەتتى ازىق-تۇلىك ونىمدەرىمەن تولتىرىلعان.
اتاپ وتسەك، قوردىڭ يگى باستامالارى الماتى وبلىسى بويىنشا 2000 تۇرعىندى قامتىعان.
وسىنداي اۋقىمدى كومەكتى ۇيىمداستىرۋ كەزىندە قازاقستاندىق بيزنەس وكىلدەرى دە شەت قالماعان.
بەيبىت الىبەكوۆ، ءانۋار جۇماعۇلوۆ جانە ايدار جاكۋپوۆ سىندى جومارت كاسىپكەرلەر، بلوگەر جانە قوعام قايراتكەرلەرى يگى ءىستى جۇزەگە اسىرۋدا ۇلكەن قولداۋ كورسەتتى.
