ونلاين-بريفينگ بارىسىندا الماتىنىڭ باس مەملەكەتتىك سانيتار دارىگەرى جانداربەك بەكشين كوروناۆيرۋس جۇقتىرعان ناۋقاستاردىڭ ءالى دە تىركەلىپ جاتقانىن حابارلادى. الماتى بويىنشا كوروناۆيرۋس ينفەكسياسىن جۇقتىرۋدىڭ بارلىعى 2715 جاعدايى تىركەلدى.

قازىرگى ۋاقىتتا كوپشىلىك ءىس-شارالاردى وتكىزۋگە قاتاڭ تىيىم سالىندى.

ازاماتتارعا ادامدار كوپ جينالاتىن ورىنداردان الشاق ءجۇرۋ جانە قوعامدىق ورىنداردا الەۋمەتتىك قاشىقتىق پەن باسقا دا سانيتارلىق تالاپتاردى ساقتاۋ ءوتىنىشى قادالا سۇرالۋدا.

قالانىڭ باس مەملەكەتتىك سانيتار دارىگەرىنىڭ №38 قاۋلىسىنا سايكەس، كەلەسىدەي شەكتەۋ شارالارى ەنگىزىلگەن:

الماتى قالاسىنىڭ اۋماعىندا ادامداردىڭ جاپپاي جينالۋىمەن بولاتىن شارالاردى وتكىزۋگە تىيىم سالىنعان؛

- كورەرمەندەردىڭ قاتىسۋمەن بولاتىن مادەني جانە سپورتتىق شارالاردىڭ وتكىزىلۋىنە تىيىم سالىنادى؛
- جاپپاي كورپوراتيۆ جانە باسقا دا شارالاردى وتكىزۋ ءۇشىن جەكەمەنشىك يەلىكتەگى ۇيلەر مەن قۇرىلىستاردى جالعا الۋعا تىيىم سالىنادى؛
- قالا سىرتىنداعى جانە مەكتەپ جانىنداعى ساۋىقتىرۋ نىساندارىنىڭ جۇمىسىنا تىيىم سالىنعان؛
- وقۋشىلاردىڭ توپتاسىپ ەكسكۋرسيالارعا شىعۋىنا تىيىم سالىنادى.

قازىرگى ۋاقىتتا كارانتين شارالارى ساقتالىپ وتىر – باسسەيندەر، اكۆاپاركتەر، اتتراكسيوندار جانە ساياباقتارداعى ساۋدا نىساندارى، مادەنيەت جانە ساۋىقتىرۋ نىساندارى ءالى دە جابىق بولادى. كورەرمەندەردىڭ قاتىسۋمەن بولاتىن مادەني جانە سپورتتىق شارالاردىڭ دا وتكىزىلۋىنە تىيىم سالىنعان.

كاسىپكەرلەردىڭ سانيتارلىق تالاپتاردى ءجيى بۇزىپ، ءتيىستى ەرەجەلەردى ساقتاماۋىنا بايلانىستى وسىعان دەيىن جۇمىسىن قايتا باستاعان كەيبىر نىسىنداردىڭ قىزمەتىن توقتاتۋ ماسەلەسى دە قارالۋدا.

– ەنگىزىلگەن كارانتين شارالارىنىڭ ورىندالماۋى (بۇزىلۋى) جالعاساتىن بولسا، بۇل قالاداعى سانيتارلىق-ەپيدەميولوگيالىق جاعدايدىڭ تۇراقسىزدىعىنا اكەلۋى مۇمكىن، - دەپ مالىمدەدى ج.بەكشين.

ج.بەكشين اتاپ وتكەندەي، جۇمىستارىن قايتا باستاعان نىسانداردى، سونىمەن بىرگە ساياباقتار مەن سكۆەرلەردى تورۋىلدايتىن (كۇزەتەتىن، باقىلايتىن) مونيتورينگتىك توپتار ءوز قىزمەتتەرىن جۇزەگە اسىرۋدا. سونىمەن بىرگە، دەنساۋلىق ساقتاۋ ۇيىمدارىندا پروفيلاكتيكالىق تەكسەرۋلەر بەلسەندى تۇردە جۇرگىزىلىپ جاتىر.

ءتۇرلى نىسانداردىڭ قىزمەتىنە قاتىستى سۇراقتار كوروناۆيرۋس ينفەكسياسىن جۇقتىرۋ ستاتيستيكاسىنا قاراي قاراستىرىلاتىن بولادى. قازىرگى ۋاقىتتا جابىق تۇرعان مادەنيەت نىساندارى ءوز جۇمىستارىن ەگەر ۆيرۋستى جۇقتىرۋ ءوسىمى سوڭعى جەتى كۇن بويى 2 پايىزدان اسپاعان جاعجايدا قالپىنا كەلتىرىلۋى مۇمكىن.