ەۋرازيا ۇلتتىق ۋنيۆەرسيتەتىنىڭ عالىمى ءارى وقىتۋشىسى ەرلان سۇلەيمەنوۆ جەلىدەگى داۋلى مالىمدەمەسىنەن سوڭ جۇمىستان قۋىلدى.
28 مامىردا Facebook قولدانۋشىسى ءاسيا ەرمۇحامبەتوۆا ۇلتتىق قوعامدىق سەنىم كەڭەسىنىڭ سوڭعى وتىرىسىنا تەك ەر ادامدار قاتىسقانى تۋرالى جازعان. بۇل جازباعا ۋنيۆەرسيتەت وقىتۋشىسى دا پىكىر بىلدىرگەن بولاتىن.
"ايەلدەر ءومىر بويى ءوز جۇكتىلىگىن زەرتتەي الماي كەلەدى. قانشا لايىق بولسا، سونشاسى قاتىسىپ وتىر" دەپ جازعان ەرلان سۇلەيمەنوۆ.
ءوزىن يسلاميست دەپ اتاعان ول سونداي-اق جاقشا ىشىنە "كوپ ايەل الۋدى قولدايمىن، ايەلدەردى ۇرىپ-سوعۋعا بولادى جانە كەيدە ۇرۋ دا كەرەك" دەپ جازعان.
وقىتۋشىنىڭ بۇل سوزدەرى جەلىدە قىزۋ تالقىلانىپ، اقىرىندا عالىم جۇمىستان شىعارىلدى.
«ۋنيۆەرسيتەت ە. سۇلەيمەنوۆكە قاتىستى تەكسەرۋ جۇمىستارىن قورىتىندىلادى. ەتيكا جونىندەگى كوميسسيا ونىڭ ىس-ارەكەتىن جالپىادامزاتتىق ادەپ نورمالارىنا ساي كەلمەيدى دەپ باعالادى. اتالعان كوميسسيا ۇسىنىمىمەن ە. سۇلەيمەنوۆپەن ەڭبەك كەلىسىمشارتىن بۇزۋ تۋرالى رەكتور بۇيرىعى شىقتى» دەپ جازدى ەۇۋ باسپا ءسوز قىزمەتى.
پىكىر قالدىرۋ