شىعىس قازاقستان وبلىسىندا قولعا الىنعان «بىلىكتى مامان» جوباسىنىڭ اياسىندا وڭىردە شەتەلدە ءبىلىم العىسى كەلەتىن تۇلەكتەردىڭ سانى ازايدى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا ءبىلىم باسقارماسىنىڭ باسشىسى سايرانگۇل ءجۇمادىلوۆا ءمالىم ەتتى.
– بيىل وسكەمەن مەن سەمەي قالالارىنداعى مەكتەپ تۇلەكتەرىنىڭ 394ء-ى شەتەلدە وقۋعا نيەت ءبىلدىردى. ولاردىڭ مۇنداي تاڭداۋ جاساۋىنا وتباسىلارىمەن بىرگە وزگە ەلگە قونىس اۋدارۋلارى سەبەپ بولىپ وتىر، – دەدى سايرانگۇل ءجۇمادىلوۆا.
ريددەر، كۋرچاتوۆ قالالارى مەن شەمونايحا، التاي اۋداندارىنداعى مەكتەپ ءبىتىرۋشى تۇلەكتەردىڭ شەتەلگە كەتۋى بۇرىنعى جىلدارمەن سالىستىرعاندا الدەقايدا كۇرت ازايدى.
– بۇگىندە تۇلەكتەردىڭ 40 پايىزدان استامى وڭىرىمىزدەگى وقۋ ورىندارىندا ءبىلىم الۋدى جوسپارلاپ وتىر. قالعاندارى ەلىمىزدىڭ وزگە ايماقتارىندا ءبىلىم الماق، – دەدى سايرانگۇل ءجۇمادىلوۆا.
شقو اقپارات ورتالىعى
پىكىر قالدىرۋ