ماڭعىستاۋداعى 90 بالاباقشادا 177 كەزەكشى توپ جۇمىسىن باستادى.
بۇل تۋرالى قوعامدىق قوعامدىق كوممۋنيكاسيا ورتالىعىندا وتكەن بريفينگتە ءمالىم بولدى
ماڭعىستاۋ وبلىسىنىڭ باس مەملەكەتتىك سانيتارلىق دارىگەرىنىڭ 07.05.2020 جىلعى قاۋلىسى نەگىزىندە، ءبىلىم باسقارماسى مەكتەپكە دەيىنگى ۇيىمداردا كەزەكشى توپتار اشۋ تۋرالى بۇيرىعىن شىعاردى. وسىعان بايلانىستى 13 مامىردان باستاپ اقتاۋ، جاڭاوزەن قالالارى مەن قاراقيا، مۇنايلى اۋداندارىندا بارلىعى 90 بالاباقشادان 177 كەزەكشى توپ اشىلدى.
-بۇگىنگى تاڭدا اتالعان توپتاردا 2052 بالا (اقتاۋ- 1487، جاڭاوزەن-512، قاراقيا اۋدانى– 38، مۇنايلى-15)، ياعني بارلىق بالاباقشا كونتينگەنتىنىڭ 5،3 % قامتىلىپ وتىر. بارلىعى 422 پەداگوگ پەن 770 تەحنيكالىق قىزمەتكەرلەر شتاتتىق رەجيمدە (مەدبيكە، اسپازشى، كىر جۋۋىشى جانە ت.ب) جۇمىسقا شىقتى - ، دەدى ماڭعىستاۋ وبلىستىق ءبىلىم باسقارماسىنىڭ باسشىسى اسقار سەيدالييەۆ.
بالاباقشالاردا كۇندەلىكتى بالالاردى قابىلداۋ دەنە قىزۋلارىن ولشەۋ ارقىلى تازا اۋدا، ياعني بالاباقشا اۋلاسىندا جۇرگىزىلەدى جانە توپتاعى بالالار سانى 10-نان اسپايدى. سونداي-اق، كۇندەلىكتى ىلعالدى تازالىق جۇمىستارى، زالالسىزداندىرۋ، جەلدەتۋ، دەزينفەكسيالىق جۇمىستار تالاپقا ساي جۇرگىزىلەدى.