انگليادا دەمونسترانتتار 17ء-شى عاسىرداعى قۇل ساۋداگەرىنىڭ ءمۇسىنىن قۇلاتىپ، اقش-تان باستالعان ناسىلشىلدىككە قارسى نارازىلىق اكسياسىنا قولداۋ ءبىلدىردى. بۇل تۋرالى قامشى ءتىلشىسى ABC-گە سىلتەمە جاساپ حابارلايدى.
انگليانىڭ وڭتۇستىك-باتىسىندا ورنالاسقان بريستول قالاسىندا نارازىلىق بىلدىرۋشىلەر قۇل ساۋداگەرى ەدۆارد كولستوننىڭ قولا ءمۇسىنىن ارقانمەن بايلاپ، قۇلاتقان.
كەيىنىرەك دەمونسترانتتار ءمۇسىندى جاقىن ورنالاسقان ايلاققا اپارىپ، ونى اۆون وزەنىنە لاقتىرعان.
نارازىلىق بىلدىرۋشىلەر ۇلكەن مەرەكە وتكىزگەنىمەن، جەرگىلىكتى پوليسيا بۇل وقيعاعا قاتىستى تەرگەۋ باستالعانىن ايتادى.
– بريستول حاربورس قاسىنداعى ءمۇسىندى قۇلاتۋ كەزىندە قىلمىستىق زالال كەلتىرگەن ادامدار توبى بولعان. قاتىسقانداردى انىقتاۋ ءۇشىن تەرگەۋ جۇرگىزىلىپ جاتىر، – دەدى اۆون مەن سومەرسەت پوليسياسى جەكسەنبىدە جاساعان مالىمدەمەسىندە.
كولستىڭ ءمۇسىنى 1895 جىلدان باستاپ بريستول قالاسىنىڭ ورتالىعىنا ورناتىلعان، ءبىراق ونى الىپ تاستاۋدى تالاپ ەتەتىن پەتيسيالار وتكىزىلىپ تۇرعان.
پىكىر قالدىرۋ