وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين-بريفينگ بارىسىندا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ ازاماتتاردىڭ كوروناۆيرۋس ينفەكسياسىن جۇقتىرۋىنىڭ الدىن الۋ بويىنشا جۇرگىزىلىپ جاتقان شارالار، وسى ىسپەن تىكەلەي اينالىساتىن قىزمەتتەردىڭ پارمەندى جۇمىستارى، ۆيرۋس جۇقتىرعان ازاماتتارمەن وتكىزىلەتىن شارالار تۋرالى ايتتى.

– ەلىمىزدە پاندەميا جاريالانعانعا دەيىن COVID-19 ەنۋى مەن تارالۋىن بولدىمراۋ ءۇشىن ءتيىمدى شارالار قولعا الىندى. مەديسينا قىزمەتكەرلەرى باسقا ەلدەردەن كەلگەن 200 مىڭنان استام ازاماتپەن ءتيىستى جۇمىستار جۇرگىزدى. ناۋقاستارمەن 700-دەن استام ءۇي جانە ۇيىمداستىرىلعان وشاقتاردا كوروناۆيرۋس ينفەكسياسىنا قاتىستى شارالار جۇرگىزىلدى، – دەپ ەسكە سالدى ك. نادىروۆ.

كامالجان نادىروۆ كوروناۆيرۋس ينفەكسياسىنىڭ تارالۋىمەن كۇرەستەن بولەك، ءقازىر قوعامدىق دەنساۋلىق ساقتاۋ باسقارماسىنىڭ نەگىزگى كۇشى مەديسينا قىزمەتكەرلەرىنىڭ ەڭبەك قاۋىپسىزدىگىن قامتاماسىز ەتۋگە جانە پاسيەنتتەردىڭ مەديسينالىق كومەكتى الۋ كەزىندە ءقاۋىپسىز تۇردە جەتكىزىلۋىنە باعىتتالعانىن اتاپ ءوتتى.

سونىمەن بىرگە، مەديسينالىق ۇيىمداردا ينفەكسيالىق باقىلاۋعا ءجىتى نازار اۋدارىلعان، وسىعان بايلانىستى، تاياۋ ارادا قالاداعى بارلىق ستاسيونارلاردا باس دارىگەردىڭ ينفەكسيالىق باقىلاۋ بويىنشا ورىنباسارى دەگەن جاڭا قىزمەت ەنگىزىلەدى.

قوعامدىق دەنساۋلىق ساقتاۋ باسقارماسى سونداي-اق، مەديسينالىق كومەك كورسەتۋدەگى قولجەتىمدىلىك پەن ونىڭ ساپاسىن ارتتىرۋدا الماتى قالاسىنىڭ اكىمى باقىتجان ساعىنتايەۆ قويعان (جۇكتەگەن) ستراتەگيالىق مىندەتتەردى جۇزەگە اسىرۋدا.

وسىلايشا، قالانىڭ دەنساۋلىق ساقتاۋ جۇيەسىن 2025 جىلعا دەيىن دامىتۋدىڭ كەشەندى جوسپارى جاسالدى. وعان قالاداعى كادرلىق الەۋەتتى ودان ارى دامىتۋ جانە اناليز، بىلىكتىلىكتى ارتتىرۋ جانە جاڭا تەحنولوگيالاردى ەنگىزۋ ماسەلەلەرى ەنەدى.

– مەديسينالىق قىزمەتتى كورسەتۋ، حالىقتىڭ ريزاشىلىعىن كۇشەيتۋ، تۇرعىندارمەن كوممۋنيكاسيانى جاقسارتۋ بويىنشا جۇمىستار جۇرگىزىلەدى. ەندى الماتىنىڭ ءاربىر تۇرعىنى مەن قوناعى قالاداعى دەنساۋلىق ساقتاۋ جۇيەسىندەگى جاعدايدى جاقسارتۋعا قاتىستى ۇسىنىستارى مەن شاعىمدارىن +77778888103 ءنومىرى ارقىلى WhatsApp-قا جولداي الادى، – دەدى ك. نادىروۆ.

سونىمەن بىرگە، قالادا كوروناۆيرۋس ينفەكسياسىنا قاتىستى جاعداي تۇراقتى اۋرۋ دەڭگەيىنىڭ ورتاشا ءوسىمى – 2.3%. سوڭعى مالىمەتتەر بويىنشا، الماتىدا كوروناۆيرۋس ينفەكسياسىن جۇقتىرعاندار سانى 2882-گە جەتكەن.