سارسەنبىدە تەرگەۋ سوتى قوعام بەلسەندىسى ءاسيا تولەسوۆانى 10 تاۋلىككە قامادى. بەلسەندى سوتىنان تىكەلەي ەفيردى كۇدىكتىنىڭ اناسى جانار جاندوسوۆا جۇرگىزىپ وتىردى.
تولەسوۆا بيلىك وكىلىن قورلادى (389-باپ)، بيلىك وكiلiنە قاتىستى كۇش قولداندى (380-باپ) دەپ ايىپتالۋدا.
سۋديا سوت كەزىندە كۇدىكتى تولەسوۆا جاڭا قۇقىقبۇزۋشىلىققا جول بەرۋى مۇمكىن ەكەنىن ءمالىم ەتتى.
بەلسەندىنىڭ ادۆوكاتى ءالىمجان ورالباي شەشىم زاڭسىز ەكەنىن، تەرگەۋ مەن پروكۋراتۋرا تولەسوۆانىڭ قۇقىقبۇزۋشىلىقتى قايتالاۋى مۇمكىن ەكەنىن راستايتىن ماتەريالدى كورسەتپەگەنىن ايتىپ، شەشىمگە شاعىمداناتىنىن جەتكىزدى.
6 ماۋسىم كۇنى الماتىداعى ميتينگ كەزىندە "پوليسيا قىزمەتكەرىنە شابۋىل جاسادى" دەپ ايىپتالىپ وتىرعان ءاسيا تولەسوۆا جاعدايدى بىلاي دەپ ءتۇسىندىردى.
"قيىلعان بىرنەشە سەكۋندتىق ۆيدەودا مەنىڭ جانىمدا تۇرعان پوليسەيدىڭ فۋراجكاسىن قاعىپ جىبەرگەنىم كورسەتىلگەن. مەن قوعامعا ەش ءقاۋپى جوق، ءوز پىكىرىن ءبىلدىرۋ ءۇشىن ميتينگكە قارۋسىز كەلگەن ازاماتتارعا پوليسيا تاراپىنان جاسالعان ادامگەرشىلىك پەن زاڭعا قايشى قارىم-قاتىناستى كورىپ ەموسيالىق تۇرعىدا وسىلاي جاۋاپ بەرىپپىن. ۇستالعاندار اراسىندا ميتينگكە كەلگەن قارت ادامدار مەن جاستار عانا ەمەس، جاي عانا كەتىپ بارا جاتقاندار دا بولدى. سونداي جاعدايدىڭ بىرىندە ازاماتتاردى اۆتوزاكقا كۇشتەپ اپارا جاتقاندا ءبىز قۇرى قاراپ تۇرماي، وعان كەدەرگى كەلتىرگىمىز كەلدى. ءبىراق ءبىزدى پوليسەيلەر يتەرىپ، كۇش قولداندى" دەپ جازعان بەلسەندى ءوزىنىڭ facebook-تاعى پاراقشاسىندا.
پىكىر قالدىرۋ