ق ر پرەزيدەنتى قاسىم-جومارت توقايەۆ ءوزىنىڭ وكىلەتتىلىگىن ارتتىراتىن زاڭعا قول قويدى. بۇل تۋرالى اقوردا سايتى حابارلادى.
"مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوعىس جاعدايى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. زاڭنىڭ ءماتىنى باسپاسوزدە جاريالانادى" دەلىنگەن اقپاراتتىق حابارلامادا.
بۇعان دەيىن سەنات اتالعان زاڭعا كىرەتىن بەيبىت ۋاقىتتا اسكەري ءتارتىپ شارالارىن قولدانۋ رەتىن انىقتاۋ، قارۋلى كۇشتەر جوعارعى باس قولباسشىلىعى ستاۆكاسى تۋرالى، قورعانىس كەڭەستەرى تۋرالى، سوعىس جاعدايى كەزەڭىندە ۇكىمەت قىزمەتىن ۇيىمداستىرۋ تۋرالى نورمالاردى بەكىتكەن.
پىكىر قالدىرۋ