قوستاناي وبلىسىندا كۇيەۋ بالاسىن ولتىرگەن بوكستان الەم چەمپيونى اسلان مۇقانوۆ قىلمىستىق جاۋاپكەرشىلىكتەن بوساتىلدى.
سپورتشى 2018 جىلدىڭ 11 شىلدەسىندە التىن دالا اۋىلىندا قارىنداسىنىڭ كۇيەۋىن ءولتىردى دەگەن كۇدىكپەن قاماۋعا الىنعان بولاتىن. بۇگىن قىلمىستىق ىستەر جونىندەگى مامانداندىرىلعان سوتتا وعان ۇكىم شىقتى. سوت ونى اقىل-ەسى دۇرىس ەمەس دەپ تانىدى.
"سوت اسلان مۇقانوۆتىڭ قابىلەتسىز جاعدايدا ق ر قىلمىستىق كودەكسىنىڭ 99-بابى 2-بولىگىنىڭ 3-تارماعىندا كورسەتىلگەن قىلمىستىق ارەكەتتى جاساعانىن دالەلدەدى. ونى ىسكە قابىلەتسىز دەپ تانۋ تۋرالى قاۋلى شىعارىلدى. مۇقانوۆ ق ر قك 16-بابى نەگىزىندە قوعامعا ءقاۋىپتى ارەكەتتى جاساعان كەزدە ەسى كىرەسىلى-شىعاسىلى جاعدايدا بولۋىنا بايلانىستى قىلمىستىق جاۋاپتان بوساتىلىپ وتىر" دەلىنگەن سوت ۇكىمىندە.
ول الماتى وبلىسىنداعى سوت-پسيحياتريالىق ستاسيونارىندا قاجەتتى ەم شارالارىن الادى. بوكسشىنىڭ سوزىلمالى پسيحيكالىق اۋرۋى بارى انىقتالدى.
ەسكە سالا كەتەيىك، بوكسشى ا. مۇقانوۆ 2019 جىلدىڭ شىلدە ايىندا قاماۋعا الىنعان بولاتىن.
