بەلگىلى جۋرناليست، ق ر ۇلتتىق سپورت قاۋىمداستىعىنىڭ اتقارۋشى ديرەكتورى راحات جاقسىباي facebook پاراقشاسىندا ءوزىنىڭ كوروناۆيرۋس جۇقتىرعانىن مالىمدەدى.

"كەيدە وسىنداي حابار جازۋعا دا تۋرا كەلەدى. الەمدىك پاندەميا باستالىپ جاتقاندا انگليادا ەدىك. و جاقتا وتكەن جىلدىڭ سوڭىنان دابىل قاعىپ باستاعان. ساقتىق جاساپ، ۇيدەن شىقپادىق. ال اقپاندا جۇعۋ ءقاۋپى جوعارى دەگەن لوندون مەتروسىن، اۋەجايىن باسىپ ءوتىپ، ەلگە امان-ساۋ ورالعانبىز. ءارى قاراي بەلگىلى. ەلمەن بىرگە ەكى جارىم اي كارانتيندە بولدىق. سوسىن بەكەتتەر الىندى. ايتەۋىر، بىزگە قاتىسى بولمايتىنداي كورگەنبىز. قاتىستى بولىپ شىقتى. پسر وڭ ناتيجە كورسەتتى. اۋرۋحانادامىن ەندى. نەگىزى ادامنىڭ سىرقاتى جەكە قۇپياسىنا جاتادى زاڭ بويىنشا. ءبىراق قوعامدىق رەزونانس، بار ما، جوق پا دەگەن ساۋال كوبەيگەن سوڭ، جازۋدى ءجون كوردىم" دەگەن جۋرناليست ۆيرۋستى قالاي جۇقتىرىپ العانىن ايتتى.

"ەڭ الدىمەن، تۇسىنگەنىم، ۆيرۋس ادامدى يممۋنيتەتى السىرەگەن تۇستا الاتىن سياقتى. كونديسيونەر استىندا سۋىقتاپ قالۋ، سالقىن بالمۇزداقتى اساپ جىبەرۋ، ىستىق كۇندە كەلىپ، سۋىق دۋش قابىلداۋ دەگەن سياقتى. وسىندايدان كەيىن ادامدارمەن ارالاسقان سوڭ، ۆيرۋس تەز جۇعۋى مۇمكىن. اۋىرىپ جاتقان تانىستارىمنىڭ قايسىسىمەن سويلەسسەم دە، ايتاتىندارى وسى. ءوزىم دە سىرقاتتانار الدىندا، ەكى ساعات كونديسيونەر استىندا وتىرىپ قالعان ەدىم. ياعني، ءتيىستى الدىن الۋ شارالارىنان بولەك، يممۋنيتەتتى كوتەرىپ، ءتۇسىرىپ الماۋ جاعىنا ءمان بەرۋ كەرەك" دەيدى ول.

سونداي-اق بۇگىن دەپۋتات، ق ر ۇلتتىق سپورت قاۋىمداستىعىنىڭ پرەزيدەنتى بەكبولات تىلەۋحاننان حابارلانعان.