ۋكراينا پرەزيدەنتى ۆلاديمير زەلەنسكييدىڭ ايەلى ەلەنا زەلەنسكايا كوروناۆيرۋس ينفەكسياسىن جۇقتىرعان. ول قازىرگى ۋاقىتتا امبۋلاتوريالىق ەمدەۋدە. بۇل تۋرالى ريا حابارلادى.

ۋكراينا باسشىسى جانە ونىڭ بالالارى COVID-19 تەست تاپسىرىپ، ناتيجەسى تەرىس شىققان.

زەلەنسكيي بۇعان دەيىن ازاماتتارعا "بۇل وبا ەمەس" ەكەنىن كورسەتۋ ءۇشىن كوروناۆيرۋس جۇقتىرعىسى كەلەتىنىن ايتقان.

– ۋكراينا پرەزيدەنتىنىڭ ايەلى ەلەنا زەلەنسكايا COVID-19 تەست تاپسىرىپ، ناتيجەسى وڭ شىققان. ول ءوزىن جاقسى سەزىنەدى، اۋرۋدىڭ بەلگىلەرى بولىپ جاتقان جوق. ءقازىر ەلەنا زەلەنسكايا وتباسى مۇشەلەرىنەن وقشاۋلانىپ، امبۋلاتورلىق ەم شارالارىن الىپ جاتىر، – دەدى ۋكراينا باسشىسىنىڭ باسپا ءسوز قىزمەتى.

باسپا ءسوز قىزمەتىنىڭ حابارلاۋىنشا، ينفەكسيانىڭ قايدا جانە قاشان پايدا بولعانى ءالى بەلگىسىز، ازىرشە ەپيدەميولوگيالىق تەكسەرۋ جۇمىستارى جۇرگىزىلۋدە.

ۋكراينانىڭ دەنساۋلىق ساقتاۋ مينيسترلىگى ەلدە كوروناۆيرۋس جۇقتىرۋشىلاردىڭ جالپى سانى – 29 753 ادامعا جەتكەنىن حابارلادى. ونىڭ ىشىندە ەمدەلىپ شىققانى – 13 567، ال قايتىس بولعاندار – 870.