الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين جانە قالالىق قوعامدىق دامۋ باسقارماسىنىڭ باسشىسى دياس ەسداۋلەتوۆ ۆيدەوكونفەرەنسبايلانىس رەجيمىندە مەگاپوليس اۋماعىندا ورنالاسقان جوعارى وقۋ ورىندارىنىڭ رەكتورلارىمەن كەزدەسۋ وتكىزدى.

كەزدەسۋ الماتى ءوڭىرى رەكتورلارى كەڭەسىنىڭ باستاماسى بويىنشا ءوتتى. ونلاين-كەزدەسۋدىڭ جۇمىسىن الماتى ءوڭىرى رەكتورلار كەڭەسىنىڭ ءتوراعاسى، اباي اتىنداعى قازۇپۋ رەكتورى تاكىر بالىقبايەۆ اشتى. ول ەپيدەميولوگيالىق جاعداي جاعدايىندا جوو قىزمەتىن ۇيىمداستىرۋعا قاتىستى ءبىرقاتار وزەكتى ماسەلەلەردى اتاپ ءوتتى.

كۇن تارتىبىندە ەپيدەميولوگيالىق جاعداي كەزىندەگى الماتى قالاسىنىڭ جوو قىزمەتىن ۇيىمداستىرۋ ماسەلەسى بولدى. بولاشاق ستۋدەنتتەردىڭ قۇجاتتارىن قابىلداۋ، ءتۇسۋ ەمتيحاندارىن وتكىزۋ جانە تۇلەكتەرگە ديپلوم تاپسىرۋ سياقتى اسپەكتىلەردى قوسا العاندا، جۇمىس فورماتى تالقىلاندى.

الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين الماتى قالاسى بويىنشا ەپيدەميولوگيالىق جاعدايدى تولىق ءتۇسىندىردى. الماتى اۋرۋشاڭدىقتىڭ ورتاشا كورسەتكىشى جانە سوڭعى اپتادا 2%-دان اسپايتىن كۇن سايىنعى ءوسىمى بار وڭىرلەر ساناتىنا كىرەدى.

وسىعان بايلانىستى، جوعارى وقۋ ورىندارىنىڭ باسشىلىعى سانيتارلىق-ەپيدەميولوگيالىق تالاپتاردى، ماسكالىق رەجيمدى جانە الەۋمەتتىك قاشىقتىقتى قاتاڭ ساقتاۋى قاجەت. كوپشىلىك جينالاتىن ورىندارعا بارۋدان جانە مادەني-بۇقارالىق ءىس-شارالاردى ۇيىمداستىرۋدان باس تارتۋ جونىندە ۇسىنىستار بەرىلدى. جوعارى وقۋ ورىندارىنىڭ قىزمەتىن ۇيىمداستىرۋ كەزىندە وقۋ كورپۋستارىن جەلدەتۋ جانە اۋا باپتاۋ جۇيەسىمەن تۇراقتى قامتاماسىز ەتۋ قاجەت.

كەزدەسۋگە قاتىسۋشىلار وقۋشىلاردىڭ جازعى دەمالىسىن ۇيىمداستىرۋ، قابىلداۋ كوميسسياسىنىڭ جۇمىسى جانە ديپلوم تاپسىرۋ ءراسىمىن وتكىزۋ ماسەلەلەرىن كوتەردى. ءوز ۇسىنىستارىمەن قازۇپۋ رەكتورى تاكىر بالىقبايەۆ، «تۇران» ۋنيۆەرسيتەتىنىڭ رەكتورى راحمان الشانوۆ، «نارحوز» ۋنيۆەرسيتەتىنىڭ اكىمشىلىك ماسەلەلەر جونىندەگى پرورەكتورى كاميليا امەنوۆا، الماتى مەنەدجمەنت ۋنيۆەرسيتەتىنىڭ رەكتورى ەربول سۇلەيمەنوۆ، حالىقارالىق ءبىلىم بەرۋ كورپوراسياسىنىڭ رەكتورى ەرىك بەسىمبايەۆ، حالىقارالىق بيزنەس ۋنيۆەرسيتەتىنىڭ پرەزيدەنتى دارحان احمەد-زاكي ءسوز سويلەدى. ونلاين-كەزدەسۋ جۇمىسىنا بارلىعى 39 جوو وكىلدەرى قاتىستى.

الماتىنىڭ باس سانيتارلىق دارىگەرى جوعارى وقۋ ورىندارىنىڭ رەكتورلارىمەن بىرلەسە وتىرىپ، ەپيدەميولوگيالىق جاعدايدىڭ قيىن جاعدايلارىندا جوعارى وقۋ ورىندارىنىڭ ودان ءارى جۇمىس ىستەۋ الگوريتمى مەن نۇسقاۋلىقتارىن ازىرلەۋ بويىنشا جۇمىس توبىن قۇرۋدى شەشتى.