ەلوردا كاسىپكەرلەرى 118 ملن سوماسىنداعى بيۋدجەت قاراجاتىن جىمقىرعاندارى ءۇشىن سوتتالدى. بۇل تۋرالى قارجى مونيتورينگى كوميتەتى حابارلادى.
ق ر قم قارجى مونيتورينگى كوميتەتى نۇر-سۇلتان قالاسىندا «QazIndustry» قازاقستاندىق يندۋستريا جانە ەكسپورت ورتالىعى» اق بيۋدجەتتىك اقشا قاراجاتىن جىمقىرۋ فاكتىسى بويىنشا 2 كاسىپكەرگە قاتىستى قىلمىستىق تەرگەۋدى اياقتادى.
ايىپتالۋشىلار باقىلاۋىنداعى كاسىپورىندارعا جالعان تۇلعالاردى راسىمدەپ، ءىس جۇزىندە نەگىزگى قىزمەتتى وزدەرى جۇرگىزىپ وتىرعان. جىمقىرۋ تەحنولوگيالىق پروسەستەردى جەتىلدىرۋ بويىنشا تەحنيكالىق جابدىقتاۋعا قىزمەت كورسەتۋگە بەرگەن، شىندىققا ساي كەلمەيتىن 118 ملن تەڭگە سوماسىنداعى شىعىننىڭ وتەۋىن زاڭسىز الۋ ارقىلى جۇزەگە اسىرىلعان.
كورسەتىلگەن مەملەكەتتىك قارجىلىق كومەك ەڭ الدىمەن وشب قولداۋعا، سونىمەن قاتار تاۋار، جۇمىس جانە قىزمەت كورسەتۋدىڭ وزىندىك قۇنىنىڭ ءتۇسۋ سالدارى مەن شىعىندى وتەۋگە ارنالعان.
نۇر-سۇلتان قالاسىنىڭ ەسىل اۋدانى سوتىنىڭ ۇكىمىمەن كاسىپكەرلەر ق ر قك 190-بابىنىڭ 4 بابى بويىنشا (الاياقتىق) كىنالى دەپ تانىلىپ، ءارقايسىسىنا 5 جىل بيۋدجەت قاراجاتىن الۋعا قاتىستى قىزمەتپەن اينالىسۋ قۇقىعى مەن 6 جىلعا باس بوستاندىعىنان ايىرۋ جازاسى تاعايىندالدى.
سوت سونىمەن قاتار ىنتىماقتىق تارتىپتە كاسىپكەرلەردەن «QazIndustry» قازاقستاندىق يندۋستريا جانە ەكسپورت ورتالىعى» اق پايداسىنا مۇلىكتىك زالال ەسەبىندە 118 ملن تەڭگە مەن مەملەكەت كىرىسىنە ءار كاسىپكەردەن 1 770 000 تەڭگەنى مەملەكەتتىك باجعا وتەۋ تۇرىندە ءوندىرىپ الۋعا قاۋلى شىعاردى.
پىكىر قالدىرۋ