ەلوردا كاسىپكەرلەرى 118 ملن سوما كولەمىندەگى بيۋدجەت قاراجاتىن جىمقىرعانى ءۇشىن سوتتالدى. بۇل تۋرالى قارجى مونيتورينگى كوميتەتى حابارلادى.
"قارجى مونيتورينگى كوميتەتى نۇر-سۇلتان قالاسىندا «QazIndustry» (قازاقستاندىق يندۋستريا جانە ەكسپورت ورتالىعى) اق بيۋدجەتتىك اقشا قاراجاتىن جىمقىرۋ فاكتىسى بويىنشا 2 كاسىپكەرگە قاتىستى قىلمىستىق تەرگەۋدى اياقتادى. ايىپتالۋشىلار كاسىپورىندارعا جالعان تۇلعالاردى راسىمدەپ، ءىس جۇزىندە نەگىزگى قىزمەتتى وزدەرى جۇرگىزىپ وتىرعان. نۇر-سۇلتان قالاسىنىڭ ەسىل اۋدانى سوتىنىڭ ۇكىمىمەن كاسىپكەرلەر ق ر قىلمىستىق كودەكسىنىڭ 190-بابىنىڭ 4-تاراۋى بويىنشا (الاياقتىق) كىنالى دەپ تانىلىپ، ءارقايسىسىنا 5 جىل بيۋدجەت قاراجاتىن الۋعا قاتىستى قىزمەتپەن اينالىسۋ قۇقىعى مەن 6 جىلعا باس بوستاندىعىنان ايىرۋ جازاسى تاعايىندالدى. سوت سونىمەن قاتار ىنتىماقتىق تارتىپتە كاسىپكەرلەردەن «QazIndustry» (قازاقستاندىق يندۋستريا جانە ەكسپورت ورتالىعى) اق پايداسىنا مۇلىكتىك زالال ەسەبىندە 118 ملن تەڭگە مەن مەملەكەت كىرىسىنە ءار كاسىپكەردەن 1 ملن 770 مىڭ تەڭگەنى مەملەكەتتىك باجعا وتەۋ تۇرىندە ءوندىرىپ الۋعا قاۋلى شىعاردى" دەلىنگەن حابارلامادا.
پىكىر قالدىرۋ