كوروناۆيرۋس ينفەكسياسىنىڭ سيمپتومسىز ءتۇرى انىقتالعان ناۋقاس امبۋلاتوريالىق جاعدايدا مەديسينالىق باقىلاۋعا الىنىپ، ۇيىندە (ءۇي كارانتينى) وقشاۋلانادى. وسى رەتتە ق ر دەنساۋلىق ساقتاۋ مينيسترلىگى دايىنداعان كوروناۆيرۋس ينفەكسياسىنىڭ سيمپتومسىز ءتۇرى بويىنشا پاسيەنتتەرگە ارنالعان جادىناما ۇسىنىلادى.
ءۇي كارانتينىندە جاتقان ادامعا نۇسقاۋلىق:
- ۇيدەن شىقپاۋ كەرەك.
- جوتەل نەمەسە تۇشكىرۋ كەزىندە اۋىز بەن مۇرىندى جابۋ كەرەك. ۆيرۋستىڭ تارالۋىنا جول بەرمەۋ ءۇشىن ءبىر رەتتىك مايلىقتى پايدالانۋ كەرەك. وسىدان كەيىن بىردەن قولدى سابىنداپ جۋىپ، سپيرتتىك نەگىزدەگى انتيسەپتيكپەن ءسۇرتۋ كەرەك. مەديسينالىق ماسكانى نىعىز جابىستىرا تاعىپ، ەكى ساعات سايىن اۋىستىرىپ وتىرۋ قاجەت.
- تاماق ىشەر الدىندا، سونىمەن بىرگە دارەتحانادان كەيىن قولدى سابىنداپ جۋىپ، سپيرتتىك نەگىزدەگى انتيسەپتيكپەن ءسۇرتۋدى ۇمىتپاۋ كەرەك. قولدى ءسۇرتۋ ءۇشىن مۇمكىندىگىنشە ءبىر رەتتىك مايلىقتى پايدالانۋ كەرەك.
- جەكە پايدالاناتىن ىدىسپەن تاماق ءىشۋ كەرەك.
- دەنەدە قىزۋ نەمەسە وزگە دە جايسىزدىقتى سەزىنگەن جاعدايدا COVID-19 بويىنشا كولل-ورتالىققا حابارلاسقان نەمەسە ءوتىنىم سەبەبىن تۇسىندىرە وتىرىپ، جەدەل جاردەم شاقىرعان دۇرىس.
ءۇي كارانتينىندە بولعان جاعدايدا قاشىقتان مونيتورينگتەۋدى قامتاماسىز ەتۋ ءۇشىن مىنا شارتتار ورىندالۋعا ءتيىس:
- ءۇي كارانتينىندەگى ادام سمارتفونىنا Smart Astana موبيلدىك قوسىمشاسىن ورناتىپ، قوسىمشاعا بارلىق رۇقساتتى (GPS، WIFI، Bluetooth) بەرۋ كەرەك.
- «مەن كارانتيندەمىن» رەجيمىن قوسىپ، ءۇي كارانتينى بىتكەنشە ونى وشىرمەۋى كەرەك.
- تەلەفون ءاردايىم وشپەي، ينتەرنەتكە قوسىلىپ تۇرۋى كەرەك.
- موبيلدىك قوسىمشا ءاردايىم بەلسەندى تۇردە نەمەسە ۇيالى تەلەفون بەتىندەگى رەجيمدە تۇرۋعا ءتيىس (قوسىمشانىڭ ىستەپ تۇرعانىن حابارلاندىرۋلار نەمەسە مارتەبە ۆيدجەتىنەن كورىپ وتىرۋعا بولادى).
- ءۇي كارانتينى قىزمەتىن پايدالانۋ كەزىندە قولدانۋشى GPS، Bluetooth نەمەسە WIFI رەجيمىن وشىرمەۋعا ءتيىس.
ءۇي كارانتينى قامتاماسىز ەتىلگەن وتباسىنداعى ادامدارعا نۇسقاۋلىق:
- بوگدە ادامداردىڭ ۇيگە كىرۋىنە تىيىم سالىنۋى كەرەك.
- كارانتين بولمەسىنە كىرەر كەزدە مەديسينالىق ماسكانى نىعىزداپ، مۇرىن مەن اۋىزدى جاۋىپ تۇراتىنداي كيۋ كەرەك. ەگەر مەديسيالىق ماسكا كىرلەپ نەمەسە دىمقىلدانىپ كەتسە ونى جاڭا ماسكاعا اۋىستىرۋ قاجەت. مەديسينالىق ماسكانى شەشكەن كەزدە ءتيىستى تەحنيكانى ۇمىتپاي، الدىڭعى بولىگىن ۇستاماۋ كەرەك.
- وتباسىنداعى ادامداردىڭ دەنە قىزۋىن كۇنىنە 2 رەت ولشەگەن ءجون.
- بولمەنى كۇنىنە ەكى رەت جەلدەتكەن دۇرىس.
- دىمقىل تازالىقتى كۇندەلىكتى جۇرگىزۋ كەرەك
- قولدى سابىنمەن ءجيى جۋىپ، انتيسەپتيكپەن ءسۇرتىپ وتىرۋ كەرەك. قولدى سۇرتكەن كەزدە ءبىر رەتتىك مايلىقتى پايدالانعان ابزال.
- دىمقىل تازالىقتى كۇندەلىكتى جۇرگىزۋ كەرەك
- قولدى سابىنمەن ءجيى جۋىپ، انتيسەپتيكپەن ءسۇرتىپ وتىرۋ كەرەك. قولدى سۇرتكەن كەزدە ءبىر رەتتىك مايلىقتى پايدالانعان ابزال.
- وتباسىنىڭ ءاربىر مۇشەسى جەكە تازالىق ءۇشىن بولەك ىدىستى پايدالانۋعا ءتيىس.
- جوتەل نەمەسە تۇشكىرۋ كەزىندە اۋىز بەن مۇرىندى جابۋ كەرەك. ۆيرۋستىڭ تارالۋىنا جول بەرمەۋ ءۇشىن ءبىر رەتتىك مايلىقتى پايدالانۋ كەرەك. وسىدان كەيىن بىردەن قولدى سابىنداپ جۋىپ، انتيسەپتيكپەن ءسۇرتۋ كەرەك.
-وتباسىنداعى ءاربىر ادامنان دەنە قىزۋى نەمەسە جايسىزدىق بايقالسا، COVID-19 بويىنشا كولل-ورتالىققا حابارلاسۋ نەمەسە ءوتىنىم سەبەبىن تۇسىندىرە وتىرىپ، جەدەل جاردەم شاقىرۋ قاجەت.
دەرەككوز: inform.kz
پىكىر قالدىرۋ