ەپيدەميولوگيالىق جاعدايدىڭ ناشارلاۋىنا بايلانىستى نۇر-سۇلتان قالاسىنىڭ اۋرۋحانالارىنا جوسپارلى تۇردە گوسپيتاليزاسيالاۋ توقتاتىلدى، دەپ جازادى قالا اكىمدىگىنىڭ باسپا ءسوز قىزمەتى.
"قالانىڭ اۋرۋحانالارىندا كونسەرۆاتيۆتى جانە حيرۋرگيالىق ەمدەۋگە جوسپارلى گوسپيتاليزاسيا 2020 جىلدىڭ 15 ماۋسىمىنان باستاپ توقتاتىلدى" دەلىنگەن حابارلامادا.
ەندى مەملەكەتتىك اۋرۋحانالاردا شۇعىل وپەراسيالار عانا جاسالادى.
اۋرۋدىڭ كلينيكالىق بەلگىلەرى جوق، ءبىراق اسيمپتوماتيكالىق كۋرسى بار ادامدار تەرريتوريالىق ەمحانادا دارىگەردىڭ قاشىقتان باقىلاۋىمەن ۇيدە قالادى.
بۇعان دەيىن، توتەنشە رەجيم كەزى – ناۋرىز ايىنىڭ ورتاسى مەن 11-مامىر ارالىعىندا ەلوردادا ناۋقاستاردى جوسپارلى تۇردە گوسپيتاليزاسيالاۋ توقتاتىلعان بولاتىن. ەندى 15 ماۋسىمنان باستاپ بۇل جۇيە قايتا ەنگىزىلدى.
جەدەل كومەك قالانىڭ بارلىق اۋرۋحانالارىندا تولىق كولەمدە كورسەتىلەدى.
پىكىر قالدىرۋ