قالا اكىمىنىڭ وكىمى بويىنشا الماس باتانوۆ الماتىنىڭ ستراتەگيا جانە بيۋدجەت باسقارماسىنىڭ باسشىسى بولىپ تاعايىندالدى.

الماس باتانوۆ 1977 جىلدىڭ 21 قاراشاسىندا تۋىلعان. 2000 جىلى قازاق مەملەكەتتىك اگرارلىق ۋنيۆەرسيتەتىن، ال 2004 جىلى الماتىنىڭ تەحنولوگيا جانە بيزنەس ۋنيۆەرسيتەتىن، 2010 جىلى نوتتينگەم ۋنيۆەرسيتەتىن ءتامامداعان.

ەڭبەك جولىن 2000 جىلى الماتى قالاسىنداعى «مەترولوگيا» رەسپۋبليكالىق مەملەكەتتىك كاسىپورىندا جەتەكشى مامان بولىپ باستاعان.

2000 جىلدان 2009 جىلدار ارالىعىندا الماتى جانە نۇر-سۇلتان قالالارىندا «قازاق مەترولوگيا ينستيتۋتى» رەسپۋبليكالىق مەملەكەتتىك كاسىپورنى ورتالىعىندا باس مامان، باسقارما باسشىسى، ورتالىق باسشىسىنىڭ ورىنباسارى، ورتالىق باسشىسى قىزمەتتتەرىن اتقارعان.

2013 جىلدان 2014 جىلدار ارالىعىندا ق ر وڭىرلىك دامۋ مينيسترلىگىنىڭ وڭىرلىك مونيتورينگ جانە باعالاۋ دەپارتامەنتىنىڭ ديرەكتورى بولدى.

2014 جىلدان 2016 جىلدار ارالىعىندا ق ر پرەمەر-مينيسترى ورىنباسارىنىڭ كەڭەسشىسى، ق ر ۇلتتىق ەكونوميكا مينيسترلىگى ستاتيستيكا كوميتەتى ءتوراعاسىنىڭ ورىنباسارى لاۋازىمدارىندا بولدى.

2016 جىلدان 2019 جىلدىڭ ءساۋىرى ارالىعىندا ق ر پرەمەر-مينيسترى كەڭسەسى باسشىسىنىڭ ورىنباسارى، ق ر يندۋستريا جانە ينفراقۇرىلىمدىق دامۋ مينيسترلىگى يندۋستريالدى دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى، سونىمەن قاتار ق ر مەملەكەتتىك حاتشىسى حاتشىلىعىنىڭ مەڭگەرۋشىسى قىزمەتتەرىن اتقارعان.