قازاقستان دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ "Qazaqstan" تەلەارناسىنداعى "اشىق الاڭ" باعدارلاماسىندا "كوروناۆيرۋس جوق" دەيتىن ازاماتتاردى سىنعا الدى.
"حالىق سەنبەسىن. سەنبەڭىزدەر! ۆيرۋس جوق. ەرتەڭ سىزدەرگە ورىن دا قالمايدى، سودان سوڭ سىزدەردى جەرلەيمىز. اشىق ايتقاندا جاعداي وسىنداي. ءبىز سىزدەردى جەرلەيمىز! مەن رەسمي وكىل رەتىندە ايتارىم، ۆيرۋسقا سەنبەڭىزدەر. مۇنىڭ ءبارى ويدان شىعارىلعان. ءقازىر ماماندار دا اۋرۋحانالاردا ورىن جوق ەكەنىن ايتتى عوي. الداعى ۋاقىتتا ورىن قالمايدى. ال سىزدەر اۋىراسىزدار، سوسىن كوز جۇماسىزدار. بولدى" دەدى دياس احمەتشارىپ.
الەۋمەتتىك جەلىدە دياس احمەتشارىپتىڭ باعدارلامادا ايتقانىن "قىزمەتتىك ەتيكاعا جات" دەپ سىناپ جاتقاندار دا بار.
"دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپتىڭ ساركازممەن ايتقان "سەنبەسەڭىزدەر، ۆيرۋس جوق. سىزدەرگە ورىن جەتپەيدى. سوسىن ءبىز سىزدەردى جەرلەيمىز" دەگەن فرازاسىن ەستىپ ويلاندىم.
جارايدى، ەگەر اقپاراتتاندىرۋ جۇمىسىن تىكەلەي ەفيردە جۇرگىزۋگە بىلىكتىلىگى جەتىسپەسە، سالىق تولەۋشىلەر ەسەبىنەن جالاقىسىن الىپ وتىرىپ اداممەن ادام قۇساپ سويلەۋگە ادامدىعى جەتپەسە، وندا مەملەكەتتىك قىزمەتكەرلەردىڭ ەتيكاسى تۋرالى ەرەجەسى بار عوي دەسەم...
قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى N 328 جارلىعىمەن بەكىتىلگەن قازاقستان رەسپۋبليكاسى مەملەكەتتىك قىزمەتشىلەرىنىڭ قىزمەت ەتيكاسى ەرەجەلەرى كۇشىن جويىپتى" دەپ جازدى بەلسەندى بەللا ورىنبەتوۆا ءوزىنىڭ facebook پاراقشاسىنا.
پىكىر قالدىرۋ