الماتى قالاسى اكىمىنىڭ ورىنباسارى ەرجان باباقۇماروۆ مەگاپوليستىڭ مەديسينا قىزمەتكەرلەرىن قالانىڭ دەنساۋلىق ساقتاۋ جۇيەسىنە قوسقان ۇلەستەرى ءۇشىن العىس ايتىپ، الداعى كاسىبي مەرەكەلەرىمەن قۇتتىقتادى.

مەديسينا قىزمەتكەرلەرىنىڭ كاسىبي مەرەكەسىنىڭ قۇرمەتىنە وراي الماتى قالاسى اكىمى ورىنباسارىنىڭ العىس حاتتارىمەن 188 قىزمەتكەر ماراپاتتالدى. ولاردىڭ اراسىندا ءارتۇرلى مەديسينالىق ۇيىمداردىڭ قىزمەتكەرلەرى بار. قالالىق اۋرۋحانالار مەن ەمحانالاردىڭ، وڭالتۋ ورتالىقتارى مەن باسقا مامانداندىرىلعان مەكەمەلەردىڭ قىزمەتكەرلەرى كۇندەلىكتى قوسىپ جۇرگەن ۇلەستەرى ءۇشىن ماراپتتالدى.

اتاپ وتەتىن جايت، ەڭبەكتەرى باعالانعان قىزمەتكەرلەردىڭ ءبارى كورناۆيرۋسپەن كۇرەسكە جۇمىلدىرىلعان، ولار COVID-19 دياگنوزى بار ناۋقاستارىنا جوعارى مامانداندىرىلعان مەديسينالىق كومەك كورسەتۋدە.