اتىراۋ وبلىسىندا كوروناۆيرۋس ىندەتىنەن بەس ناۋقاس قايتىس بولدى. بۇل تۋرالى وبلىستىق دەنساۋلىق ساقتاۋ باسقارماسى حابارلادى.

ۆەدومستۆو مالىمەتىنشە، سوڭعى بەس كۇندە قايتىس بولعان ناۋقاستار – 1978، 1976، 1960، 1943، 1963 جىلى تۋعان ايەل ادامدار.

اتىراۋ قالاسىنىڭ 42 جاستاعى تۇرعىنى ەكىنشى وبلىستىق اۋرۋحانانىڭ رەانيماسيا بولىمىنە 18 ماۋسىمدا ەكىجاقتى پوليسەگمەنتتىك اۋىر تۇرىندەگى پنيەۆمونيامەن كەلىپ تۇسكەن. ناۋقاس مەديسينالىق مەكەمەگە "تىك ىشەكتىڭ قاتەرلى ىسىگى" دياگنوزىمەن جەتكىزىلدى، بۇرىن حيميوتەراپيانىڭ ءۇش كۋرسىنان وتكەن. 19 ماۋسىمدا پاسيەنتتىڭ جاعدايى ناشارلاپ، 22.30-دا قايتىس بولدى. ناۋقاسقا قويىلعان دياگنوز: كوروناۆيرۋستى ينفەكسيا، سەپتيكالىق شوك، پوليورگان جەتكىلىكسىزدىگى.

12 ماۋسىم كۇنى جىلىوي اۋدانى، قۇلسارى قالاسىنىڭ 44 جاستاعى تۇرعىنى ەكىنشى وبلىستىق اۋرۋحانانىڭ ينفەكسيالىق ستاسيونارىنا اۋىر حالدە جەتكىزىلگەن. 14ء-شى ماۋسىمدا ناۋقاستان كوروناۆيرۋس انىقتالىپ، 22 ماۋسىم كۇنى ساعات 21.30-دا جاعدايى كۇرت ناشارلاپ، كلينيكالىق ءولىم دياگنوزى قويىلدى.

21 مۋسىمدا اتىراۋ قالاسىنىڭ 60 جاستاعى تۇرعىنى اۋىر حالدە پنيەۆمونيامەن ەكىنشى وبلىستىق اۋرۋحانانىڭ ينفەكسيالىق ستاسيونارىنا جەتكىزىلگەن. ناۋقاستا سوزىلمالى اۋرۋلار جانە ارتەريالىق گيپەرتەنزيا مەن 2 ءتيپتى قانت ديابەتى بولعان. اۋرۋحاناعا تۇسكەندە پاسيەنتتىڭ جاعدايى وتە اۋىر بولعانى انىقتالدى. 22 ماۋسىمدا ناۋقاستىڭ جاعدايى كۇرت ناشارلاپ، تاڭعى 06:10-دا كوز جۇمدى. ءولىمنىڭ سەبەبى: ءجىتى جۇرەك-قان تامىرلارى، تىنىس الۋ جەتىسپەۋشىلىگى، اعزانىڭ ۋىتتانۋى، اۋىر تۇردەگى ەكىجاقتى پوليسەگمەنتتىك پنيەۆمونيا، تىنىس الۋ جەتكىلىكسىزدىگى. انىقتالعان دياگنوز-كوروناۆيرۋستىق ينفەكسيا .

18 ماۋسىمدا اتىراۋ قالاسىنىڭ 77 جاستاعى تۇرعىنى جۇقپالى اۋرۋلار ستاسيونارىنا ەكىجاقتى پوليسەگمەنتتىك پنيەۆمونيا دياگنوزىمەن كەلىپ تۇسكەن. 22 ماۋسىمدا زەينەتكەردىڭ جاعدايى كۇرت ناشارلاپ، 22 ماۋسىمدا ساعات 10.30-دا كلينيكالىق ءولىم دياگنوزى قويىلعان. ءولىمنىڭ سەبەبى: وتكىر وكپە-جۇرەك جەتكىلىكسىزدىگى. COVID-19 دياگنوزى انىقتالدى.

22 ماۋسىمدا جىلىوي اۋدانىنىڭ 57 جاستاعى تۇرعىنى. بۇرىن جرۆي سيمپتومدارىمەن تۇرعىلىقتى جەرى بويىنشا ەمحاناعا بارعان. ناۋقاستىڭ باسقا ادامدارمەن بايلانىستا بولعانى انىقتالىپ، 23 ماۋسىمدا كوروناۆيرۋستان قايتىس بولعان. 

قازىرگى تاڭدا وبلىستا كوروناۆيرۋس ينفەكسياسىنان جالپى 14 ناۋقاس كوز جۇمعان.