الماتى قالاسىندا كوروناۆيرۋس ينفەكسياسىنىڭ تارالۋىن بولدىرماۋ جونەندەگى كوميسسيا كوروناۆيرۋس ينفەكسياسىن انىقتاۋعا ارنالعان تەست تاپسىرۋ بارىسىندا رەاگەنتتەردەن اۋرۋ جۇعۋ ءقاۋپى جوق دەپ رەسمي تۇردە حابارلايدى.

الەۋمەتتىك جەلىلەر مەن مەسسەندجەرلەردە تارالىپ جاتقان الماتىدا ورىن العان، اۋرۋ جۇعىپتى-مىس دەگەن اقپارات شىندىققا جاناسپايدى.

– كوروناۆيرۋس ينفەكسياسىنا تەست تاپسىرۋ كەزىندە تەك سەرتيفيكاتتالعان رەاگەنتتەر پايدالانىلادى. كوروناۆيرۋستى دياگنوستيكالاۋ ماسەلەسى ەرەكشە باقىلاۋعا الىنعان. ءبىز پروۆوكاسيا مەن الىپ-قاشپا اڭگىمەلەردىڭ سوڭىندا كەتپەي، رەسمي اقپارات كوزدەرىنە جۇگىنۋدى سۇرايمىز، – دەپ اتاپ ءوتتى كوميسسيا ءتوراعاسى، الماتى قالاسى اكىمىنىڭ ورىنباسارى ەرجان باباقۇماروۆ.

قازىرگى ۋاقىتتا الماتى قالاسىندا COVID-19-دى انىقتاۋ تەستىن جۇرگىزەتىن 7 زەرتحانا (ۇلتتىق ساراپتاما ورتالىعى، سانيتارلىق-ەپيدەميولوگيالىق ساراپتاۋ جانە مونيتورينگ عىلىمي-پراكتيكالىق ورتالىعى، م.ايقىمبايەۆ اتىنداعى اسا ءقاۋىپتى ينفەكسيالار ۇلتتىق عىلىمي ورتالىعى، ورتالىق رەفەرەنس-زەرتحانا، Medical Partners Korea Clinic قازاقستاندىق-كورەيلىك كلينيكاسى، «وليمپ» كدز، «اتاكەنت» ءقىقو اۋماعىنداعى ءمودۋلدى كەشەن) قىزمەت ەتىپ جاتىر.

ساراپتاما تاپسىرۋدىڭ بارلىق پۋنكتتەرىندە وسى باعىتتاعى جۇمىستاردى رەتتەيتىن سانيتارلىق ەرەجەلەردىڭ تالاپتارى ساقتالادى، قىزمەتكەرلەردىڭ بيولوگيالىق قاۋىپسىزدىكتى قاتاڭ ساقتانۋى بارلىق جۇرگىزىلەتىن پروسەدۋرانىڭ كەپىلى بولىپ تابىلادى. ءوز كەزەگىندە، تەست جۇرگىزۋ ءۇشىن پايدالانىلاتىن رەاگەنتتەر تەكسەرۋدىڭ بارلىق كەزەڭدەرىنەن ءوتتى، سونىڭ ناتيجەسى بويىنشا، جۇمىستا ونى تەك قر-دا عانا ەمەس، بۇكىل ءالىم بويىنشا قولدانۋعا رۇقسات ەتىلگەن. تاڭداپ الۋ ستەريلدى، ءبىر رەتتىك ماتەريالمەن (زوندتارمەن) جاسالادى، ولار پايدالانىلعاننان كەيىن بەلگىلەنگەن ەرەجەلەر سايكەس پايداعا (كادەگە) اسىرىلادى. قايتادان پايدالانۋعا جول بەرىلمەيدى.

ق ر باس مەملەكەتتىك سانيتار دارىگەرىنىڭ قاۋلىسىنا سايكەس، رەفەرەنس-زەرتحانالاردىڭ ماماندارىمەن جاسالىپ جاتقان زەرتتەۋلەردىڭ مونيتورينگتىك باقىلاۋى (ۆيزيتى) جۇرگىزىلۋدە.

كوميسسيا ءوز تاراپىنان COVID-19-عا تەكسەرۋ بويىنشا حالىققا قىزمەت كورسەتەتىن جەكەمەنشىك زەرتحانالاردىڭ باسشىلارىن كارانتيندى كۇشەيتۋ كەزىندەگى شارالاردى ۇيىمداستىرۋ مەن باقىلاۋ تۋرالى: ماسكا تاعۋ رەجيمىنىڭ، كەزەكتە الەۋمەتتىك قاشىقتىقتىڭ، ناۋقاستاردىڭ الدىن الا جازىلۋى، زەرتتەۋ جۇرگىزۋ ءۇشىن قان تاپسىرۋ كولەمىن ءبولۋدى قوسىمشا ەسكەرتەدى.

الماتىداعى جاعداي بيلىكتىڭ باقىلاۋىندا.