ق ر ۇكىمەتىنىڭ قاۋلىسىمەن اجار عينيات ق ر دەنساۋلىق ساقتاۋ ۆيسە-مينيسترى لاۋازىمىنا تاعايىندالدى.

اجار عينيات 1969 جىلى باتىس قازاقستان وبلىسىندا دۇنيەگە كەلگەن.

1992 جىلى اقتوبە مەملەكەتتىك مەديسينا ينستيتۋتىن «دارىگەر-پەدياتر» ماماندىعى بويىنشا، 2007 جىلى ش. ەسەنوۆ اتىنداعى اقتاۋ مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ مەنەدجەرى» ماماندىعى بويىنشا، 2015 جىلى الماتى مەنەدجمەنت ۋنيۆەرسيتەتىن «مۆا ىسكەرلىك اكىمشىلەندىرۋ ماگيسترى» ماماندىعى بويىنشا ءتامامداعان.

ەڭبەك جولىن 1993 جىلى اتىراۋ قالاسىنىڭ №2 قالالىق ەمحاناسىندا ۋچاسكەلىك پەدياتر بولىپ باستاعان.

1994 جىلدان 1999 جىلعا دەيىن — اقتاۋ قالاسىنىڭ №1 مەديسينالىق سانيتارلىق ءبولىمىنىڭ مەڭگەرۋشىسى.

1999-2001 جىلدارى — ماڭعىستاۋ جۇقپالى اۋرۋلار اۋرۋحاناسىنىڭ باس دارىگەرىنىڭ ەمدەۋ ءىسى جونىندەگى ورىنباسارى.

2001-2005 جىلدارى — ماڭعىستاۋ وبلىسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى.

2005-2006 جىلدارى — ماڭعىستاۋ وبلىسى دەنساۋلىق ساقتاۋ دەپارتامەنتىنىڭ ديرەكتورى.

2008-2017 جىلدارى — ق ر دەنساۋلىق ساقتاۋ مينيسترلىگىنىڭ باسقارما باسشىسى، دەپارتامەنت ديرەكتورى.

2017 جىلعى قىركۇيەكتەن باستاپ قازىرگى تاڭعا دەيىن ق ر پرەزيدەنتى ءىس باسقارماسىنىڭ مەديسينا ورتالىعى باسشىسىنىڭ ورىنباسارى قىزمەتىن اتقاردى.

ەستەرىڭىزگە سالا كەتسەك ق ر ۇكىمەتىنىڭ قاۋلىسىمەن ءلاززات مەيراش قىزى اقتايەۆا بەرگەن وتىنىشىنە سايكەس ق ر دەنساۋلىق ساقتاۋ ۆيسە-مينيسترى قىزمەتىنەن بوساتىلعان ەدى.