حالىق اراسىندا زايىرلى قۇندىلىقتاردى ىلگەرىلەتۋ، كونفەسسياارالىق كەلىسىمدى ساقتاۋ جانە ءدىني ەكسترەميزمنىڭ الدىن الۋ شەڭبەرىندە 2019 جىلى 3 ميلليون ادامدى قامتيتىن 50 مىڭنان استام ءىس-شارا وتكىزىلدى. بۇل تۋرالى ورتالىق كوممۋنيكاسيالار قىزمەتىنىڭ الاڭىندا اقدم باسشىسى ايدا بالايەۆا مالىمدەدى.

مينيستر اتاپ وتكەندەي، بۇل جۇمىس قۇرامىندا 300 بىلىكتى مامانى بار ءاقپاراتتىق-تۇسىندىرۋ توپتارىنىڭ جۇمىسىنا باستى نازار اۋدارىلادى. وسى قۇرىلىمداردىڭ تيىمدىلىگىن ارتتىرۋ ءۇشىن اعىمداعى جىلى ماماندار سانىن 500 ادامعا دەيىن ارتتىرۋ، سونداي-اق 1 200 لەكتوردى قايتا دايارلاۋ جوسپارلانۋدا.

ءمينيستردىڭ ايتۋىنشا، «جۋسان» وپەراسياسى اياسىندا تەرروريستىك بەلسەندىلىك ايماعىنان قايتارىلعان 163 ايەلدى قايتا الەۋمەتتەندىرۋ بويىنشا كەشەندى الدىن الۋ جۇمىستارىن جۇرگىزۋگە ەرەكشە نازار اۋدارىلدى. بۇگىنگى تاڭدا ولاردىڭ 144ء-ى راديكالدى ءدىني كوزقاراستاردان باس تارتتى، ال كەيبىرەۋلەرى زايىرلى ءومىر سالتىنا تولىعىمەن كوشتى.

2019 جىلى الەۋمەتتىك جەلىلەردە، ەلەكتروندىق ب ا ق جانە باسقا دا ينتەرنەت-الاڭداردا ءدىني ەكسترەميزم يدەولوگياسىن قارسى ناسيحاتتاۋ اياسىندا 5،3 مىڭنان استام ينتەرنەت-رەسۋرستاردىڭ مازمۇنى تالداندى، ونىڭ ىشىندە 3،2 مىڭى قۇقىققا قارسى سيپاتتاعى ماتەريالداردى قامتيدى. ولاردىڭ بارلىعى ۋاقتىلى بۇعاتتالعان.