الماتى وبلىسى اكىمىنىڭ باسپا ءسوز قىزمەتى 11سىنىپ وقۋشىسىنىڭ ادام ءومىرىن قۇتقارىپ قالعانىن حابارلادى.
"ارىستان" مامانداندىرىلعان ليسەيىنىڭ 11-سىنىپ وقۋشىسى ميراس بەيسەن دوسىمەن تالعار قالاسىنىڭ ورتالىعىنداعى كوپىر بويىمەن كەلە جاتىپ، وزەنگە كوپىردەن سەكىرگەلى تۇرعان ەر ادامدى بايقاعان.
– ميراس ەش ابدىراماستان، دوسىنا پوليسيا مەن جەدەل جاردەمگە قوڭىراۋ شالۋىن ءوتىنىپ، ءوزى تومەن، وزەنگە قاراي جۇگىرگەن. بۋىرقانعان وزەننىڭ قاتتى اعىسىنان قورىقپاعان ول، ەر ادامنىڭ قازا بولۋىنا جول بەرمەي، ونى جاعاعا شىعارعان. سول ساتتە وقيعا ورنىنا پوليسيا مەن جەدەل جاردەم دە كەلىپ جەتكەن، – دەيدى الماتى وبلىسى پوليسيا دەپارتامەنتى باسشىسىنىڭ ورىنباسارى وراز جولداسوۆ.
الدىن الا مالىمەت بويىنشا، زارداپ شەككەن ادام تالعار قالاسىنىڭ 1982 جىلعى تۇرعىنى. ول ماس كۇيدە بولعان.
پىكىر قالدىرۋ