شىمكەنت قالاسىنىڭ "ءنۇرسات" اۋرۋحاناسىندا 11 جاستاعى بالاۋسا نۇرجان قىزى لەيكەميا اۋرۋىنان ەمدەلىپ جاتىر. ول بۇل اۋرۋمەن 1،5 جىلدان بەرى كۇرەسۋدە. قازىرگى ۋاقىتتا بالاۋسانىڭ جاعدايى كۇننەن-كۇنگە ناشارلاۋدا. دەنەسىنە ءتۇرلى جارالار شىعىپ، ءبىر اياعىن باسا الماي قالعان.

ول اۋرۋحانادا قاجەتتى ەم شارالارىن قابىلداپ جۇرگەندە س گەپاتيتىن جۇقتىرىپ العان.

ناۋقاس وسى ۋاقىتقا دەيىن 7 رەت حيميا-تەراپيا قابىلداعان. الايدا جاعدايى جاقسارمادى. قازىرگى ۋاقىتتا ەمدەلۋ ءۇشىن رەسەيگە بارۋ كەرەك بولىپ تۇر. قاجەتتى ەم شارالارىن قابىلداۋ ءۇشىن 250 مىڭ دوللاردان اسا قاراجات قاجەت. اۋرۋى اسقىنعان بالاۋسا الەۋمەتتىك جەلى ارقىلى حالىقتان كومەك سۇراۋدا.

– بالالاردىڭ ءبارى باسسەينگە شومىلادى. ال مەن بولسام، قاراپ وتىرامىن. ءتىسىم دە، اياعىم دا اۋىرادى. مەن ويناي المايمىن... مەنىڭ جاتا بەرگىم كەلمەيدى! جاتسام دا ىڭعايىمدى تابا المايمىن... باقىتتى ءومىر سۇرگىم كەلەدى! مەنىڭ جازىلعىم كەلەدى!، – دەپ جانايقايىن ءبىلدىردى بالاۋسا.

"نۇراي̆" قاي̆ىرىمدىلىق قورىنىڭ باسشىسى بولاتبەك قوڭىربايەۆ بۇگىننەن باستاپ ەمگە قاراجات جيناپ باستاعانىن جەلىدەگى پاراقشاسىندا حابارلادى.

– ءبىز الەۋمەتتىك جەلىگە "بالاۋسانىڭ 2 اپتا ءومىرى قالدى" دەپ ق ر دەنساۋلىق ساقتاۋ ءمينيسترى الەكسەي سوي مىرزانىڭ نازارىنا قاراتا جازبا جاريالادىق. الايدا بۇل دەرتپەن اۋىراتىندار ۇزاق ءومىر سۇرمەيدى. سوندىقتان ۋاقىت باردا قولدان كەلگەنشە كومەك قولىمىزدى سوزىپ، 100 ملن – 225 ملن تەڭگە ارالىعىنداعى قارجىنى جيناۋعا اتسالىسايىق، – دەدى بولاتبەك قوڭىربايەۆ.