قىتايدا پاندەميالىق پوتەنسيالى بار ۆيرۋس تابىلدى. ول ادامعا شوشقادان جۇعۋى مۇمكىن. بۇل تۋرالى قامشى ءتىلشىسى CNN-گە سىلتەمە جاساپ حابارلايدى.
جۇقپالى اۋرۋلار جونىندەگى مامان دوكتور دەنا گرەيسون Twitter-دە: "زەرتتەۋشىلەر قىتايدا تۇماۋدىڭ جاڭا ءتۇرى تۋرالى ەسكەرتەدى. بۇل 2009 جىلعى H1N1 شوشقا تۇماۋىنا ۇقساس جانە پاندەمياعا اينالۋى مۇمكىن. ول ەڭ الدىمەن شوشقالارعا جۇعادى، ءبىراق ادامدار دا جۇقتىرۋى مۇمكىن. كەزەكتى پاندەميالىق ۆيرۋس پايدا بولادى" دەپ جازعان.
ۆيرۋس شوشقا قورالارىندا پايدا بولعان جانە عالىمدار ونىڭ ادامدارعا جۇعۋى مۇمكىن ەكەنىن جاريالاعان.
ۆيرۋس العاش قىتايدا شوشقالاردى باعاتىن شۇڭقىرلاردا جۇمىس ىستەگەن ادامداردان انىقتالعان.
نوتتينگەم ۋنيۆەرسيتەتىنىڭ پروفەسسورى كين-چوۋ چانگ بي-بي-سيگە بەرگەن سۇحباتىندا "ءدال ءقازىر ءبىزدى كوروناۆيرۋس الاڭداتادى... ءبىراق ءبىز ءقاۋىپتى جاڭا ۆيرۋستار تۋرالى ۇمىتىپ كەتپەۋىمىز كەرەك... بۇل جاڭا ۆيرۋس بىردەن تۋىنداعان ماسەلە ەمەس... بىزگە مۇنى ەلەمەۋگە بولمايدى... ەندى قورقىنىش ودان ءارى قوزعالۋى ىقتيمال جانە ۆيرۋس اۋا ارقىلى جۇعۋى مۇمكىن، بۇل – اۋرۋدى ورشىتۋگە ىقپال ەتەدى... جاڭا ۆيرۋس ادامدارعا جۇعۋعا وتە بەيىم ەكەنىنىڭ بارلىق بەلگىلەرى بار" دەگەن.
پىكىر قالدىرۋ