نۇر-سۇلتان قالاسىندا 70 مىڭ ادامعا ارنالعان پاراسەتامول جارتى ساعاتتىڭ ىشىندە ساتىلىپ كەتكەن. بۇل تۋرالى دەنساۋلىق ساقتاۋ ءمينيسترى مالىمدەدى.
– كەشە نۇر-سۇلتان قالاسىندا 70 مىڭ ادامعا ارنالعان پاراسەتامول ءدارىسىنىڭ مولشەرى ءدارىحانالارعا تاراتىلعان بولاتىن. جارتى ساعاتتىڭ ىشىندە عانا ونىڭ ءبارى ساتىلىپ كەتتى. قازىرگى ۋاقىتتا ينتەرنەتتە بۇل دارىلەر قايتا ساتىلا باستاعانىن كورىپ وتىرمىز. ءبىزدىڭ ۋاكىلەتتى ورگاندارىمىز بۇل ماسەلەنى ءجىتى باقىلاۋىنا الادى. سىرقاتتانۋ جاعىنان ەلوردادا وسىنشاما پاراسەتامولدى قاجەت ەتەتىندەي ناۋقاستار سانى جوق. تيىسىنشە بۇل پرەپاراتتاردى كەيبىرەۋلەر ساتىپ الىپ، قىمباتقا ساتىپ جاتىر دەگەن ءسوز. جەتىسپەۋشىلىك وسىلايشا قولدان جاسالىپ وتىر نەمەسە دەنە قىزۋى جوق ادامدار ءدارىنى ساتىپ الۋدا، – دەدى الەكسەي سوي وكق-دا وتكەن باسپا ءسوز ءماسليحاتىندا.
پىكىر قالدىرۋ