الماتى اكىمى باقىتجان ساعىنتايەۆتىڭ تاپسىرماسىمەن كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى كوميسسيا قالاداعى ەپيدەميولوگيالىق جاعدايدى تۇراقتاندىرۋ بويىنشا قوسىمشا شارالار قابىلدادى.

الماتىدا قوسىمشا كارانتين شارالارى 27 ماۋسىم ساعات 00.00-دەن باستاپ 29 ماۋسىم cاعات 00.00-گە دەيىن كۇشىنە ەنەدى.

قابىلدانعان شەشىمگە سايكەس بۇل كەزەڭدە كوروناۆيرۋس ينفەكسياسىنىڭ تارالۋ ءقاۋپى جوعارى وبەكتىلەردىڭ قىزمەتى توقتاتىلادى:

اتاپ ايتقاندا، ءىرى ساۋدا جەلىلەرى (ازىق تۇلىك، ازىق تۇلىك ساتپايتىن)، ۇيدەگى دۇكەندەر تۇرىندەگى فيليالدارىن قوسپاعاندا جابىق بازارلار (ازىق-تۇلىكتىك، ازىق-تۇلىكتىك ساتپايتىن، امبەباپ)، ساۋدا-ويىن-ساۋىق ورتالىقتارى، ساۋدا ورتالىقتارى، ساۋدا ۇيلەرى؛

قوعامدىق تاماقتانۋ نىساندارى (اشىق اۋاداعى نىسانداردى قوسپاعاندا)، فيتنەس-ورتالىقتار جابىق بولادى.

بازارلار ءوز قىزمەتىن 2020 جىلدىڭ 29 ماۋسىمىندا قايتا جالعاستىرا الادى.

قوعامدىق كولىكتەر دە وسى دەمالىستا ءوز قىزمەتىن توقتاتادى.

اتاپ وتەتىن جايت، جوعارىدا اتالعان نىسانداردا سانيتارلىق-پروفيلاكتيكالىق جانە سانيتارلىق-ەپيدەميولوگيالىق شارالار جۇرگىزىلەدى.

«قوسىمشا شەكتەۋ شارالارىنا بايلانىستى ازاماتتارعا قالا بويىنشا قوزعالىستى شەكتەۋدى ەسكەرتەمىز. ءقاۋىپ توبىنا كىرەتىن ادامدارعا، اسىرەسە ەگدە ادامدارعا ۇيدە قالۋ كەرەك.

ەپيدەمياعا قارسى شارالاردى بۇزعانى ءۇشىن جەكە جاۋاپكەرشىلىككە تارتۋ قاراستىرىلعان. پوليسيا قىزمەتكەرلەرى تاراپىنان ادامدار كوپ جينالاتىن ورىنداردا ەنگىزىلگەن شەكتەۋلەردى ساقتاۋ بويىنشا پاترۋل كۇشەيتىلەدى.

سۇراقتار تۋىنداعان جاعدايدا ازاماتتار 1308 ءنومىرى بويىنشا Open Almaty قوعامدىق قابىلداۋىنا جۇگىنە الادى» دەلىنگەن اكىمدىك تاراتقان اقپاراتتا.