لوندون وليمپياداسىنىڭ چەمپيونى، بەيجىڭ وليمپياداسىنىڭ كۇمىس، ريو وليمپياداسىنىڭ قولا جۇلدەگەرى، ءۇش اتتاپ سەكىرۋ سپورتىنىڭ شەبەرى ولگا رىپاكوۆا ءوزىنىڭ instagram پاراقشاسىندا ەلباسى نۇرسۇلتان نازاربايەۆپەن العاش قالاي كەزدەسكەنى تۋرالى ايتىپ بەردى.
ونىڭ سوزىنشە، العاشقى كەزدەسۋدە قاتتى تولقىعان. الايدا ونىسى بەكەر بولىپ شىققان.
– نۇرسۇلتان نازاربايەۆ مەيىرىمدى، بايسالدى ەكەن. ونىڭ سەنىمدىلىگى بىزگە انىق بايقالدى. ءار سپورتشىعا ەرەكشە جىلى سوزدەر ايتىپ، قولداۋ كورسەتتى. لوندون وليمپياداسىنداعى جەڭىستەن كەيىن نۇرسۇلتان نازاربايەۆ مەنى جەكە قۇتتىقتاعانى ەسىمدى. بۇل ەستەن كەتپەس ءسات ەدى. وسى ساتتە مەن قازاقستان رەسپۋبليكاسىنىڭ وكىلى ەكەنىمدى ەرەكشە ماقتان تۇتتىم. ءبىزدىڭ وتباسىلىق جانۇيامىز ەلباسىنىڭ قازاقستاندىق سپورتشىلاردىڭ ويىنىن ءاردايىم كورەتىنىن، ءتىپتى تۇندە ترانسلياسيالانىپ جاتقانىنا قاراماستان تاماشالايتىنىن بىلەمىز. ويتكەنى ول ءۇشىن ەلىمىزدىڭ كوك تۋىنىڭ جەڭىس تۇعىرىندا جەلبىرەگەنىن كورۋ وتە ماڭىزدى.
مەن نۇرسۇلتان نازاربايەۆقا سپورتشىلاردىڭ بارلىق تىلەگىن ورىندايتىنى ءۇشىن، قازاقستان جاڭا چەمپيونداردىڭ شەبەرحاناسىنا اينالۋى ءۇشىن ءبارىن جاساپ جاتقانىنا شىن پەيىلىممەن ريزامىن. ەلباسىمىزدىڭ قولداۋىن ەلدى جاقسارتۋعا تىرىسىپ جۇرگەن وزگە دە سالالاردىڭ وكىلدەرى دە سەزىنىپ جۇرگەنىن بىلەمىن، – دەپ جازدى چەمپيون.
پىكىر قالدىرۋ