الماتى اكىمى باقىتجان ساعىنتايەۆ پرەزيدەنتتىڭ تاپسىرماسى بويىنشا الماتىنىڭ مەديسينا قىزمەتكەرلەرىنە مەملەكەتتىك ناگرادالاردى تابىستادى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.
– بۇل — قىزمەتىنە ادال اق حالاتتى ابزال جاندارعا كورسەتىلگەن ءادىل قۇرمەت پەن العىس. سىرقات جاننىڭ دەرتىنە داۋا، ەمىنە شيپا تابا بىلگەن التىن قولدى دارىگەرلەردىڭ ولشەۋسىز ەڭبەگىنىڭ ماڭىزىن جاقسى بىلەمىز. بۇگىن اتى اتالعان ءاربىر دارىگەردىڭ ارتىندا ۇلكەن ۇجىمنىڭ قاجىرلى ەڭبەگى تۇر. ونسىز بۇل قيىندىقتى ەڭسەرۋ مۇمكىن ەمەس ەدى. بۇل جاعداي ەڭبەگى ەرەن دارىگەرلەردىڭ وتباسىلارىنا دا وڭاي سوقپاعانى انىق. سىزدەر، ءوز ىسىنە بەرىلگەن بىلىكتى مامانسىزدار. ءبىز سىزدەردى قولدايمىز، ءبىز سىزدەرمەن بىرگەمىز. بارشا الماتىلىقتاردىڭ اتىنان سىزدەرگە العىس ايتامىن!، – دەدى شاھار باسشىسى.
پىكىر قالدىرۋ